د راپورونو له مخې، د امریکا ولسمشر ډونالډ ټرمپ واک ته له رسېدو وروسته لومړني رسمي سفر کې سعودي عربستان، قطر او متحده عربي اماراتو ته تللی.
منځني ختیځ ته د ټرمپ دغه درې ورځنی سفر نن سه شنبه له سعودي عربستان څخه پیل او د پنجشنبې په ورځ متحده عربي اماراتو کې پای ته رسیږي.
د امریکا ولسمشر ډونالډ ټرمپ خلیجي هېوادونو ته خپل سفر «تاریخي» بللی دی.
د راپورونو له مخې، ټرمپ د دغه سفر په ترڅ کې د سترو اقتصادي قراردادونو د لاسلیکولو په لټه کې دی، چې په هغو کې د امریکايي صنایعو کې د سعودي د یو ټریلیون ډالرو پانګونې جذبول او پر سعودي عربستان د ۱۰۰ میلیارد ډالرو په ارزښت د وسلو پلورل شاملیږي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
نوموړی به د دغه سفر پر مهال د سعودي-امریکا د پانګونې په غونډه کې هم ګډون وکړي او د ریاض غیرنظامي اټومي پروګرام په اړه به خبرې وکړي.
ټرمپ به متحده عربي اماراتو کې د ټکنالوژۍ، مصنوعي ځیرکتیا او د انرژۍ په برخو کې په دوه اړخیزو همکاریو تمرکز وکړي.
په قطر کې به چې د سیمې په کچه امریکا په کې تر ټولو ستره پوځي اډه لري، د دغه هېواد له امیر سره د پوځي همکاریو، سیمه ییز امنیت، په غزه کې د اوربند او پر سوریې د بندیزونو د کمولو پر امکاناتو خبرې وکړي.
