د هند کرېکټ غوره لیګ یا ایپياېل کې نن د یاد لیګ په ۵۶لوبه کې راجستان رویالز لوبډله له ډیلي کپېټلز لوبډلې سره سیالي کوي.
ټاکل شوې چې یاده لوبه نن سهشنبه، مې اوومه، د هند د ډیلي په «ارون جاېټلې کرېکټ لوبغالي» کې ترسره شي.
د سلاموطندار پښتو فېسبوکپاڼه وڅارئ
دیلي کپېټلز لوبډله داسې مهال د راجستان رویالز کوربهتوب کوي چې دې لوبډلې له دې وړاندې په کړیو یوولس لوبو کې پنځه ګټلي او شپږ یې بایللې دي.
یاده لوبډله د روان لیګ د سیالیو جدول په شپږم ځای کې شتون لري. د افغانستان کرېکټ ملي لوبډلې پیاوړی لوبغاړی ګلبدین نایب هم تازه له دې لوبډلې سره یوځای شوی دی.
نایب د اسټرالیا کرېکټ ملي لوبډلې لوبغاړي مېچل مارش چې له دې لوبډلې سره لوبېده، د ټپ له امله یاده لوبډله پرېښي او پرځای یې ګلبدین نایب ته د لوبېدو چانس ورکړل شوی دی.
بلخوا راجستان رویالز چې د سیالیو جدول په دویم ځای کې شتون لري، له کړیو لسو لوبو اته ګټلي او دوه یې بایللې دي.
د دواړو لوبډلو ترمنځ په شویو وروستیو پنځو لوبو کې درې ځلې راجستان او دوه ځلې ډیلي بریاوې خپلې کړې دي.
د یادو سیالیو په بېګانۍ لوبه کې ممبی انډیینز په خپل کوربهتوب پیاوړې لوبډلې سنرایزرز حیدراباد ته ماته ورکړه.