د افغانستان کرکټ بورډ تېره ورځ په رسمي ډول د کابل ښار د ١٦مې حوزې “الوخېلو” سیمه کې د کابل نړیوال کرکټ کمپلکس رغنیزې چارې پیل کړې.
کرکټ بورډ ویلي چې دغو چارو کې دامهال د ځمکې سطحي هواری او لېولنګ، سکیچ اخیستنې او نورې اړوند چارې شاملیږي.
د کرکټ بورډ په وینا، له ژمي وروسته به د کابل نړیوال کرکټ کمپلکس اساسي او بنسټیزې چارې هم پیل شي چې د لوبغالي چمن زرغونول، احاطوي دېوال، د اوبو رسونې شبکه، سرلوڅې اکاډمي (روزنځای)، اوول لوبغالی او نور اړوند کارونه يې په چوکاټ کې راځي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
باید وویل شي چې د یاد کرکټ کمپلکس رغنیزې چارې پر دغه ځمکې د حقوقي دعوې له امله ځنډېدلې وې چې د اړوند محکمې له اجازې او تصفیې وروسته یې نن لومړنۍ چارې پیل شوې.
د یادونې وړ ده چې د دغې اوږدمهالې پروژې چارې به هر کال اړوند بودیجې ته په پام سره، ګام په ګام له معیاري او نړیوال سټنډرډ سره سمې ترسره او بشړې شي.