د پکتیکا محلي مسوولان وايي چې د دغه ولایت د ګومل فرعې سیندیزې حوزې ریاست له لوري د اوبو څلورو کوچنیو ذخیروي بندونو د جوړېدو چارې پیل شوې.
د یاد ولايت مقام څخه سلاموطندار ته په رالېږلې خبرپاڼه کې ویل شوي، ياد بندونه په تروې، وازېخوا، خیرکوټ او نکه ولسواليو کې جوړېږي چې په بشپړېدو سره به يې د ځمکې لاندې اوبو کچه لوړه شي.
د سلاموطندار پښتو فېسبوکپاڼه وڅارئ
په خبر پاڼه کې راغلي چې پر دې څلورو بندونو شاوخوا ۱۱میلیونه افغانۍ لګښت راځي چې د اوبو او برښنا وزارت له لوري ورکول کېږي.
ياد کوچني بندونه په زرګونه مترمکعب اوبو ذخیره کولو ظرفيت لري چې په جوړېدو سره به يې د يادو ولسواليو د ځينو خلکو د اوبو ستونزې راکمې شي.
له دې وړاندې هم دغه ولایت کې د اوبو زېرمې لپاره د کوچنیو چکډېمونو او بندونو د جوړېدو هڅې شوي چې د چارواکو په وینا، د کرنې، او اوبو کچې لوړو لپاره به ګټور وي.