د لوګر د اقتصاد ریاست چارواکي وایي چې د کرنې، اوبولګولو او مالدارۍ ریاست سره په همغږۍ د «NAWA» موسسې په مالي ملاتړ له ۱۰۰بېوزله مېرمنو سره د چرګانو مرستې شوې دي.
د یاد ولایت د اقتصاد ریاست مطبوعاتي مسوول جلیلالرحمن ستانکزي سلاموطندار ته وویل چې دغه مرسته د برهکي برک، محمداغې او څرخ ولسوالیو پر ۱۰۰ هغو مېرمنو وېشل شوې چې خورا بېوزله دي.
د سلاموطندار پښتو فېسبوکپاڼه وڅارئ
نوموړي زیاته کړه، هرې بېوزله مېرمنې ته (۲۵) چرګې (۱۵۰) کيلو د چرګانو خوراکه، درې دانېدانه خوري او ۳ دانې ابخورې وېشل شوي دي.
بېوزله مېرمنې هم خوښې دې چې د اقتصاد او کرنې ریاستونو په همکارۍ ورسره د چرګو مرسته وشوه، خو دوي ټینګار کوي چې ورته مرستې دې په لروپرتو ولسوالیو کې بېوزله مېرمنو سره په دوامداره توګه وشي.
له دې وړاندې هم دغه ولایت کې پر بېوزله او کونډو مېرمنو چرګانې وېشل شوې دي.