د ایران د بهرنیو چارو وزارت ویاند ناصر کنعاني پر اسراییلو د دغه هېواد له توغندیزونو بریدونو وروسته ویلي، اسراییل او د هغو ملاتړي دې وپوهېږي چې ایران هغه څه کوي چې وايي یې.
نوموړي نن (د تلې ۱۱مه، چهارشنبه) پر خپل اېکس یوه خبرپاڼه کې لیکلي چې ایران د سیمې امنیت او ثبات ته ژمن دی، خو د «یرغلګرو» پر وړاندې به کوټلي ګامونه واخلي.
د اسراییلو لومړي وزیر بنیامین نتنیاهو ویلي چې ایران پر دغه هېواد د برید له امله لویه تېروتنه کړې ده.
رویټرز خبري اژانس راپور ورکړی چې نتنیاهو دا موضوع د ایران له برید وروسته په یوه بیړنۍ غونډه کې کړې او ټینګار یې کړی چې ایران به پر اسراییلو د برید بیه پرې کړي.
د دغه ولایت امنیه قومندان مولوي محمدالدین شاه محبت پلعلم کې خبریالانو ته وویل، یاد ماشوم چې شاوخوا ۱۳ کاله عمر لري او په اصل کې د محمداغې ولسوالي «سفیدسنګ» سیمې اوسېدونکي دی، درې میاشتې وړاندې د پلعلم له «هونسفلی» سیمې څخه نادرکه شوی و.
د خوست امنیه قومنداني وياند طاهر احرار وايي، د تېرې یوې اوونۍ پرمهال دغه ولایت کې یوولس کسان د بېلابېلو غلاوو په تور نیول شوې دي.
دغه کسان له جنایي جرمونو سره د مبارزې مديريت منسوبينو له لوري د یاد ولایت مرکز، علیشېرو او ترېزیو، تڼیو، صبریو او یعقوبیو، اسماعیلخېل او مندوزیو ولسوالیو کې نیول شوي دي.
د خوست محلي مسوولان وايي چې دغه ولایت کې د یوه سیاحتي شرکت دوه کارکوونکي د جعلي پاسپټورونو د لېږد په تور نیول شوي دي.
د خوست د والي ویاند مستغفر ګربز سلاموطندار ته وايي، د «الخليج» په نوم سياحتي شرکت دوه کارکونکي هغه مهال نیول شوي چې د دغه ولایت هوايي ډګر ته یې، جعلي پاسپورټونه ننوېستل.
د خوست د ګربزو ولسوالي اړوند د غلامخان بندر سيمې څخه د افغانستان او پاکستان د ځواکونو ترمنځ د وروستيو نښتو له امله له یادې سیمې بېځايه شوې کورنۍ د مرستو غوښتنه کوي. ګڼشمېر دغه کورنۍ وايي، د پاکستاني ځواکونو له لوري توغول شوې مرمۍ د دوی پر کورونو لګېدلې او اړ شوي چې خپلې مېنې پرېږدي.
د لوګر د امنیې قومانداني مسوولان وايي، یوې ښځې او یوې پېغلې په دغه ولایت کې ځانونه وژلي دي.
د دوی په وینا، دا پېښه پرون شپه ناوخته (د تلې دویمه، دوشنبه) د لوګر د مرکز پلعلم ښار اړوند د «خلیفه صیب» سیمه کې شوې ده.
د لبنان د روغتیا وزارت ویلي چې د دغه هېواد پر بېلابېلو سیمو د اسراییلو په هوايي بریدونو کې لږترلږه ۴۹۲ کسان وژل شوي او ۱۶۴۵ نور ټپیان دي.
رویټرز خبري اژانس راپور ورکړی چې اسراییلو پرون (د تلې دویمه، دوشنبه) د لبنان پر سوېل، ختیځ او شمال باندې هوايي بریدونه کړي دي.
خوست کې د غلامخان بندر د کمېساري مسوولان سلاموطندار ته وايي چې د پاکستاني او افغان ځواکونو ترمنځ د شوې جګړې له امله دغه لار له تېرو دوو ورځو راهیسې تړلې.
د غلامخان بندر کمېسار مولوي بهاييجان بلال «شنبه، وږي ۳۱مه» سلاموطندار ته وویل چې لاره د وړمې شپې جګړې له کبله تړل شوې.
د کورنيو چارو وزارت سرپرست سراجالدین حقاني وايي چې افغانستان کې امن ټينګ شوی او دا امن پر افغانانو د چا نه لورېږي.
نوموړي دغه څرګندونې د پکتیا سیدکرم ولسوالي کې یوې ولسي غونډې ته د وینا پرمهال کړې دي. هغه د سيدکرم ولسوالي اوسېدونکو ته ژمنه ورکړه چې يادې ولسوالي ته برښنا ورکړه او ځینې نورې پروژې به په نږدې ورځو کې پیل شي.
د روزګان محلي مسوولان وايي چې دغه ولایت کې یوې مېرمنې خپل ورور د توپانچې په وسیله وژلی دی.
پېښه تېره ورځ د یاد ولایت د دهراود ولسوالي بازار سیمه کې رامنځته شوې او لامل یې هم، د ښځې لهخوا له خپل ورور د خاوند غچ اخیستل بلل شوي دي.
«دوی موږ په قطار کې ودرولو؛ موږ غوښتل چې لاندې لاړ شو، ودرولو، زموږ تیلیفونونه یې، ټول کړل؛ وروسته یې موو یوه ځای کې ودرولو او وویل چې له تاسو عکس اخلو. موږ یې، قطار ودرولو؛ یوه کس ویډیو کوله او درېوو نورو ډزې شروع کړې.» دا د مختار د خبرو یوه برخه ده. مختار د دایکندي د پېښې له ټپیانو څخه دی چې اوس د یاد ولایت، په ولایتي روغتون کې تر درملنې لاندې دی.
د سرپرست حکومت مسوولانو د غور او دایکندي ترمنځ پر لویه لاره د ۱۴ کسانو وژنه وحشیانه کړنه بللې او هغه یې په کلکو ټکو غندلې.
د سرپرست حکومت مرکزي ویاند ذبېحالله م.ج.اهد نن جمعه، وږي ۲۴مه پر خپله اېکسپاڼه لیکلي چې ا.ا.ا دغه وحشیانه کړنه په کلکه غندي او ورسره د ولس د ځان او مال ساتنه خپل مکلفیت ګڼي.
د اسټرالیا دفاع وزارت وايي چې افغانستان کې پر جنګي جرمنو تورنو يوشمېر لوړپوړو پوځي افسرانو څخه د خدمتکولو لپاره ورکړل شوي، عالي مډالونه بېرته اخلي.
دغه اعلان وروسته له هغه کېږي چې افغانستان کې د جنګي جنایتونو په اړه د پلټنو یوه راپور کې داسې شواهد موندل شوي چې اسټرالیايي ځواکونه پر جنایتونو تورن پېژندل شوي.
د اوزبکستان د استخباراتو او سرحداتو رییس عبدالسلام عزیزوف د ترهګرۍ پر وړاندې د مبارزې برخه کې له افغانستان سره پر همکارۍ ټينګار کړی دی. د اوزبکستان د استخباراتو او سرحداتو رییس همداراز دې ناسته کې د شانګهای همکاریوسازمان د غړیو هېوادونو او د ګډو ګټو هېوادونو د ګډو ترهګریزو ګواښونو پر وړاندې پر ګډې مبارزې ټینګار کړی دی.
د کابل ښار په بختیارکلا کې د دوشنبې ورځې د ځانمرګي برید د قربانیانو کورنۍ له سرپرست حکومت څخه د امنیت غوښتنه کوي. د دغه برید ټول قربانیان ملکي وګړي دي. په یاد ځانمرګي بريد کې د شپږو وژل شويو کسانو په ډله کې پنځه يې د بدخشان اوسېدونکي دي. په همدې حال کې د کابل د امنيې قومانداني مسوولان د قربانيانو کورنيو ته ډاډ ورکوي چې امنيتي ځواکونه د یادې پېښې د عاملانو پېژندلو او نيولو هڅې کوي.
