د افغانستان لپاره د سیمې د تماس ډلې دویمه غونډه د شنبې په ورځ د افغانستان په چارو کې د ایران، روسیې، چین او پاکستان د ځانګړو استازیو په ګډون د ایران په پلازمېنه تهران کې جوړه شوه. سره له دې چې دا غونډه د افغانستان په اړه وه او لومړۍ هغه یې په کابل کې جوړه شوې وه، خو د ا.ا کوم استازي پهکې ګډون نهدی کړی.
که څه هم روسیه له سرپرست حکومت سره نږدې ډيپلوماټیکې اړیکې لري، خو د هغو هېوادونو له ډلې دی چې د وروستیو کلونو پرمهال یې له افغانستان څخه سیمې ته د ګواښونو په اړه اندېښنه ښودلې.
افغانستان کې ځوانان له بېلابېلو اقتصادي، ټولنیزو او تحصیلي ننګونو سره مخ دي چې کولای شي، د دوی پر هیلو او هدفونو اغېز ولري. دغه نظرپوښتنه، د ځوانانو د هدف لرلو کچې ارزونې، د هدف احتمالي نهلرو لاملونو او د زدهکړو، اقتصادي او ټولنیزو شرایطو سره یې ارتباط په تړاو شوې.
د ا.ا د بهرنیو چارو وزارت وايي، له المان څخه د افغان کډوالو د را اېستلو پرېکړه څاري او هیلهمند دی چې دواړه لوري له ډیپلوماټیکو لاروچارو یاده موضوع مدیریت کړي. هغه زیاتوي چې ا.ا د المان له دولت څخه غواړي چې د افغان کډوالو د اېستلو موضوع د دواړو لوریو د هوکړې پر بنسټ د معمولو کونسلي تعاملاتو په چوکاټ کې حل کړي.
د ا.ا د عدلیې وزارت ویاند برکتالله رسولي وايي، د تمدن ټلوېزیون فعالیت له سیاسي ګوند سره د تړاو او د غصب شوې ځمکې د کارولو له کبله درېږي.
نوموړي پر خپل اېکس لیکلي چې عدلیې وزارت له دې مخکې د هر ډول سیاسي ګوند پر فعالیت بندیز لګولی او د دې پرېکړې پر بنسټ، له دغو ګوندونو سره تړلې رسنۍ د فعالیت حق نه لري.
د ا.ا د کار او ټولنیزو چارو وزارت ویاند سمېعالله ابراهیمي سلاموطندار ته ویلي چې په دې غونډه کې د دغه وزارت سرپرست عبدالمنان عمري هم ګډون کړی او هغه به بهرنیو پانګوالو ته د سوداګریزو اړیکو د پراختیا، په افغانستان کې د شته فرصتونو او د پانګونې را جلبولو په اړه وینا وکړي.
د هلمند محلي مسوولان وايي چې د دغه ولایت په سوېلي خانشین او دېشو ولسوالیو کې ۵۸۰۰ کورنیو ته د څښاک پاکو اوبو شبکې او د تصفیې «چاڼ» ماشینونه فعال شوې دي. د هلمند د والي ویاند محمدقاسم ریاض سلاموطندار ته وايي چې د یادو شبکو او تصفیې ماشینونو پر فعالېدو درې میلیونه افغانۍ لګښت راغلی دی.
د راپورونو له مخې، د افغانستان لپاره د روسیې د ولسمشر ځانګړي استازي ضمیر کابلوف د سېشنبې په ورځ یوې خبري غونډې ته ویلي، مسکو د شانګهای همکاریو سازمان کې د افغانستان د غړیتوب ملاتړ کوي.
د ا.ا د کورنیو چارو وزارت سرپرست سراجالدین حقاني د ملګرو ملتونو له لوري د سفر له بندیز سره سره په خپل لومړني بهرني سفر کې متحده عربي اماراتو ته تللی دی. له نوموړي سره په دغه سفر کې د ا.ا د استخباراتو رییس عبدالحق وثیق او د هغه ورور انس حقاني هم ملګرتیا کوي. د یاد سفر موخه د دواړو هېوادونو ترمنځ د دوهاړخیزو اړیکو ښهوالی بلل شوی دی.
د لوګر امنیه قومنداني د دغه ولایت له ټولو خبریالانو، شنوونکو اوسېدونکو څخه غوښتنه کړې چې له افغانستان انټرنېشنل راډيو-تلویزیون له لیدو او همکاري ډډه وکړي او سرغړوونکي به قانون ته وسپارل شي. انس همدارنګه زیاته کړه، که د لوګر خبریالان، شنونکي او عام خلک له افغانستان انټرنېشنل راډيو-تلویزیون سره هر ډول همکاري وکړه، مجازات به شي.
د پلازمېنې کابل ښار یوشمېر اوسېدونکي وايي چې د هوا په ګرمېدو سره کابل سیند کې اوبه کمې شوي چې ورسره دغه سیند کې د خځلو «کثافاتو» بوی په تنګ کړي دي.
د دوی په وینا، د کابل سیند پر غاړه هستوګنیز کورونه او هټۍوال دغه سیند ته خځلې او کثافات ورغورځوي چې د ګرمۍ له امله یې بوی، خلک له بېلابېلو ستونزو سره مخ کړي.
د هرات د والي مرستیال حیاتالله مهاجر فراهي د غبرګولي په دیارلسمه، د شنبې ورځ پر خپلې اېکسپاڼې په دغه ولایت کې د یوشمېر هغو داعشیانو د نیول کېدو خبر ورکړی چې نږدې یوه میاشت مخکې یې د هرات په ګذره ولسوالي کې شوی برید پلان کړی و.
د لوګر امنیه قومنداني چارواکي وایي چې نن یکشنبه ( ۱۳غبرګولي) مرکز پلعلم ښار اړوند «کارت مامورین» سیمه کې د هوان سرګلولې د چاودنې له امله یو تنکی ځوان وژل شوی دی.
د بهرنیو چارو وزارت وايي چې د ایران په مشهد ښار کې یې افغان جنرل قونسل «عبدالجبار انصار» له دندې ګوښه کړی او لاسلیک یې اعتبار نهلري.
د یاد وزارت ویاند عبدالقهار بلخي پر اېکسپاڼه لیکلي چې نوموړی د ریاستالوزرا د حکم پر بنسټ له دندې ګوښه او کابل ته غوښتل شوی دی.
په افغانستان کې د ترهګرو ډلو د شتون په اړه د ځینو ګاونډیو هېوادونو له اندېښنو وروسته د روسیې دفاع وزیر په دې وروستیو کې ادعا کړې چې افغانستان لا هم د سیمې او منځنۍ اسیا د بېثباتۍ اصلي سرچینه ده.
د ننګرهار د جلالاباد ښار یوشمېر اوسېدونکي وایي چې ښار کې د ګڼېګوڼې له امله ډېری وخت خپلو کارونو ته پر وخت نهشي رسېدلی او له حکومت غواړي چې د ښار پراخېدو ته پاملرنه وکړي. د دوی په وینا، ښاروالي او اړوند ادارې دې د ښار او سړکونو پراخولو ته ځانګړې پاملرنه وکړي او واټونه، سړکونه او د پلي تګ لارې دې په معیاري توګه ورغول شي.
