د کابل د پغمان ولسوالي د ارغندۍ سبسټېشن نیمګړې چارې نن پنجشنبه، چنګاښ اوومه په رسمي توګه پیل شوې چې پر جوړېدو به یې څه باندې اته میلیونه امریکايي ډالره لګښت راشي.
د ریاستالوزرا اقتصادي معاونیت نن پنجشنبه، پر خپله اېکسپاڼه لیکلي چې دغه سبسټېشن د بغلان الوان دښتې کابل ته د ترکمنستان برښنا لېږد لپاره جوړېږي.
د سرپرست حکومت د بهرنیو چارو وزارت سرپرست امیرخان متقي ویلي چې د ذ.بېحالله م.جاهد په مشري د ا.ا یو پلاوی به د دوحې په درېیمه غونډه کې ګډون وکړي.
د بهرنیو چارو وزارت ویاند عبدالقهار بلخي نن (د چنګاښ پنځمه، د سهشنبې ورځ) پر اېکس لیکلي چې متقي دا خبره د دوحې په درېیمه غونډه کې د ګډون لپاره د چمتووالي په غونده کې کړې او زیاته کړې یې ده چې د ا.ا مشرتابه دا پرېکړه کړې ده.
د ملګرو ملتونو سازمان ویاند سټیفان دوجاریک وايي چې دغه سازمان به د دوحې په درېیمه غونډه کې د افغانستان سرپرست حکومت په منظمه او همغږه توګه له نړۍ سره تعامل ته وهڅوي.
د قطر پلازمېنې په دوحه کې د افغانستان په تړاو درېیمه غونډه به د روانې چنګاښ میاشتې پر لسمه پیل شي.
پکتيا کې د نښتر دوديزه کلنۍ مشاعره په لومړي ځل د اريوبځاځي ولسوالي د «سپينې شګې تفريحي سيمه» کې د ګڼو شاعرانو، ليکوالانو، حکومتي مسوولانو او عامو خلکو په ګډون جوړه شوه. نښتر مشاعره د تېرو کلونو پرمهال مرکز ګردېز ښار کې جوړېده چې سږکال د اریوبځاځیو د نښترو سيوري لاندې جوړه شوه. ځينو شاعرانو د نښتر ونې په ستاينه کې ځانګړي ليکل شوي شعرونه هم ولوستل.
د سرپرست حکومت د بهرنیو چارو وزارت درېیم سیاسي رییس ذاکر جلالي د دوحې د درېیمې غونډې جوړېدو ته په اشارې لیکلي، ا.ا چې څرنګه له ګاونډیو او د سیمې هېوادونو سره پرمختګ کړی، له لوېدیځو هېوادونو سره د جوړوونکي تعامل پلوی دی.
د بهرنیو چارو وزارت سرپرست امیرخان متقي وايي چې افغانستان خپلواک هېواد دی او په چارو کې یې لاسوهنه د هېڅ لوري په ګټه نهده.
د بهرنیو چارو وزارت ویاند عبدالقهار بلخي پر خپله ایکسپاڼه لیکلي چې متقي د ایران بهرنیو چارو وزیر سره ټلیفوني خبرو کې ویلي، افغانستان یو ازاد او خپلواک هیواد دی او په چارو کې یې لاسوهنه د هېڅ لوري په ګټه نهده.
د ایران د بهرنیو چارو وزارت سرپرست علي باقري د ا.ا د بهرنیو چارو له سرپرست امیرخان متقي سره په ټیلیفوني خبرو کې ویلي، افغانان د خپل هېواد په اړه د پرېکړې اصلي سرپرستان دي او له سیمې دباندې بهرنیو لوبغاړیو ته د لاسوهنې اجازه نه ورکوي.
د ا.ا ویاند ذ.بېحالله م.جاهد د یکشنبې ورځ رسنیو ته ویلي چې د سرپرست حکومت یو پلاوی به د دوحې په راتلونکې جوړېدونکې غونډه کې ګډون وکړي.
د نوموړي په وینا، یاده غونډه د ا.ا په ګټه ده او پلاوی یې تیار دی چې په یاده غونډه کې ګډون وکړي.
پخواني ولسمشر حامد کرزي پر خپلې فېسبوکپاڼې ټولو افغانانو ته د لوی اختر مبارکي ورکړې او له ا.ا څخه یې غوښتي چې د نجونو پر مخ د ښوونځیو او پوهنتونونو دروازې پرانېزي.
کرزي د نجونو او هلکانو زدهکړې د هېواد د پرمختګ، هوساینې او خپلواکۍ لپاره لازمې بللي او دا یې له نړۍ سره د سیالۍ یوازینۍ لاره بللې ده.
د اسراییلو پوځ ویلي چې اته سرتېري یې پرون د غزې په سوېل کې وژل شوي دي.
رویټرز خبري اژانس راپور ورکړی چې یاد سرتېري د انجینرۍ ډلې غړي وو چې په د رفح ښار د لوېدیځ اړوند په تلالسلطان سیمه کې یې پر زرهي موټر شوې چاودنه کې وژل شوي دي.
د ا.ا رییسالوزرا محمدحسن اخوند له خلکو غوښتي چې په افغانستان کې د اسلامي نظام غوڅ ملاتړ وکړي.
نوموړي په خپل اختریز پیغام کې چې د ارګ پر اېکس خپور شوی، ویلي چې د خلکو همکاري او ملاتړ د نظام د ساتنې او پیاوړتیا لپاره ډېر مهم دي.
د اسلامي امارت مشر هبتالله اخوندزاده «جمعه، غبرګولي ۲۵مه» د لوی اختر په مناسبت اختریز پیغام کې ویلي چې له ټولو هېوادونو په ځانګړې توګه «اسلامي هېوادونو سره د اسلامي شریعت چوکاټ» کې سیاسي او اقتصادي اړیکې غواړي.
د افغانستان لپاره د یوناما دفتر سیاسي مرستیال او ورسره مل پلاوي یې میدانوردګ ته سفر کړی او د دغه ولایت اطلاعاتو او فرهنګ ریاست او محلي چارواکو سره یې لیدلي دي.
جوړې غونډې ته د میدانوردګ د اطلاعاتو او فرهنګ رییس حبیبالله مجاهد وویل، د ا.ا له راتګ وروسته په دغه ولایت کې د غږیزو او چاپيزو رسنیو فعالیت غوړیدلی او د محلي رسنیو او ژورنالیستانو ډېری ستونزې هوارې شوي دي.
د افغانستان لپاره د امریکا ځانګړي استازي توماس وېسټ د بېلابېلو هېوادونو له یوشمېر چارواکو سره د افغانستان په اړه د خپلو کتنو په دوام، دا ځل د اوزبکستان د ملي امنیت شورا له مرستیال عبدالعزیز کاملوف او د افغانستان لپاره د دغه هېواد د ولسمشر له ځانګړي استازي عصمت الله اېرګاشوف سره لیدلي دي.
د کډوالو او بېرته راستنېدونکو چارو وزارت مسوولانو په یوه خبرپاڼه کې ویلي چې ایران په تېره یوه ورځ کې د هرات اسلامکلا له لارې ۱۷۷۳ افغانان په زوره هېواد ته را ګرځولي دي.
په خبرپاڼه کې لیکل شوي چې پاکستان هم په تېره یوه ورځ کې ۳۲۴ افغانان د کندهار د سپینبولدک له لارې هېواد ته په زوره راګرځولي دي.
سلاموطندار د هېواد په ۱۲ ولایتونو کې له ۳۰۵ نجونو او هلکانو د دوی په ژوند کې د هدف لرلو کچې ارزونې په موخه سروې کړې چې د یادې سروې پایلې ښيي، ۶۰.۹سلنه ځوانان ژوند کې مشخص هدف لري او ۳۹.۱سلنه یې له هدف پرته ژوند کوي. ټولنپوهان د یوې ټولنې بنسټییز رکن ځوانان یادوي او وايي، د دوی فعالیتونه د یوې ټولنې وده کې اغېزمن رول لري.
