کندهار کې د اسلامي امارت مشر شیخ هبتالله اخندزاده په امامت د اختر لمونځ ادا شو.
هغه د اختر لمانځه پرمهال د عدالت پر ټینګښت، د مسوولانو ترمنځ د نېک نیت پر اړتیا او د حکومت د کړنو په اړه د خلکو د پوښتنو پر حق ټینګار وکړ.
سعودي عربستان، ترکیې، سوریې، اردن او کویټ د اختر په مناسبت د اسلامي امارت او پاکستان ترمنځ د لنډمهالي اوربند له اعلان څخه هرکلی کړی.
د اسلامي امارت رییس الوزرا خپل اختریز پیغام کې له هېوادوالو غوښتي چې د پاکستان بمباریو کې د زیانمنو شویو او راستنېدونکو افغانانو لاسنیوی وکړي.
ملا محمد حسن اخوند دغه پیغام کې ویلي چې د اختر ورځو کې د اړمنو او بېځایه شویو وضعیت ته لاسرسی یو اسلامي مسوولیت دی.
د اسلامي امارت ویاند ذبیح الله مجاهد وايي، د پاکستان پر وړاندې د رد الظلم دفاعي عملیات لنډمهاله ځنډول شوي.
هغه وویل، امنيتي او دفاعي ځواکونه د راتلونکي نېکمرغه کوچني اختر د راتلو په مناسبت او د منځګړو اسلامي هېوادونو لکه سعودي عربستان، ترکيې او د قطر دولت په غوښتنه د رد الظلم دفاعي عملیاتو کې د لنډمهاله وقفې اعلان کوي.
د حوت میاشتې ۲۷ مه چې افغانستان کې د خبریال له ملي ورځې سره برابره ده، یوشمیر خبریالان او د رسنیو کارکوونکي وايي، د اقتصادي ستونزو ترڅنګ، پر وخت مالوماتو ته د لاسرسي نهشتون ستونزې سره هم مخ دي.
دوی وویل، دغې مسلې یې فعالیتونه اغېزمن کړي او له حکومتي چارواکو غواړي چې خبریالانو ته په وخت سره دقیق مالومات ورکړي.
د بهرنیو چارو وزیر امیر خان متقي بهر کې د اسلامي امارت د سفارتونو او قونسلګریو له استازو سره انلاین غونډه کړې. د بهرنیو چارو
د ملګرو ملتونو د بشري حقونو ځانګړي راپور ورکوونکي ریچارډ بنټ ویلي، کابل کې د روږدو د درملنې په مرکز د پاکستان برید باید په خپلواکه، بېطرفه او چټکه توګه وڅېړل شي.
نوموړي ویلي چې د دغه برید مسوولو کسانو سره دې حساب وشي او د قربانیانو کورنیو ته تاوان ورکړل شي.
د ایران بهرنیو چارو وزیر عباس عراقچي ویلي، د افغانستان له خلکو او حکومت مننه کوي چې د امریکا او اسراییل بریدونه یې غندلي او د ایران له حکومت او خلکو سره خواخوږي او ملاتړ څرګند کړی.
ده زیاته کړې چې د اسراییل او امریکا پر وړاندې په استقامت سره ولاړ دي.
د تاوتریخوالي له زیاتېدو دې ډډه وکړي.
بنت نن سهشنبه، د کب۲۶، پر خپله اېکسپاڼه لیکلي پر افغانستان د پاکستان هوایي بریدونو له امله د ملکیانو وژلکېدو او ټپيکېدو ځورولی دي.
د افغانستان کرېکټ بورډ کابل کې د پاکستان د بېګانۍ شپې مرګونی برید غندلی او دا یې ستر جایت بللی دی.
کرېکټ بورډ نن سهشنبه، کب ۲۶مه، پر خپله فېسبوکپاڼه لیکلي چې پاکستان ستر جنایت کړی او د سلګونو کسانو ژوند یې، اخیستی دی.
د افغانستان کرېکټ ملي لوبډلې لوبغاړي راشدخان کابل کې د پاکستان د بېګاني مرګوني برید په غبرګون کې ویلي چې پر ملکیان برید جنګي جرم دی.
هغه نن سهشنبه، کب ۲۶مه پر خپله فېسبوک پاڼه لیکلي چې پلازمېنه کابل ښار کې د پاکستان وروستي برید له امله اوښتې مرګژوبلې ته خواشینی دی.
د اسلامي امارت د ویاند مرستیال حمدالله فطرت ویلي، د پاکستان پوځ تېره شپه ماخوستن شاوخوا نهه بجې کابل کې د اميد په نوم د معتادينو د درملنې ۲زره بستريز روغتون بمبار کړ.
هغه وویل، د شهيدانو شمېر ۴۰۰ ته رسېدلی او تر ۲۵۰ پورې نور ټپيان شوي.
د هغه په وینا، د روغتون زياتې برخې له منځه تللي او تر اټکل د زياتو تلفاتو ويره شته.
د اسلامي امارت مشر شیخ هبتالله اخندزاده ویلي، له اسلامي نړۍ سره د اسلامي اخوت او له نورو هېوادونو سره د اسلامي اصولو په اساس اړیکې غواړي.
هغه نن دوشنبه د حوت ۲۵ / مارچ ۱۶ د کوچنۍ اختر په مناسبت پیغام کې له ټولو خواوو غوښتنه کړې چې د افغانانو باورونو او ارزښتونو ته درناوی او په کورنیو چارو کې یې لاسوهنه ونهکړي.
د کندوز د امنیې قومندانۍ ویاند جمعهالدین خاکسار وویل، ناپېژانده کس د دغه ولایت امامصاحب ولسوالۍ کې یوه ډاکټره وژلې. هغه نن وویل، پېښه د
د کندهار د امنیې قومنداني مسوولان وایي چې د کوچني اختر له رارسېدو سره سم یې کندهار ښار او ولسوالیو کې امنیتي تدابیر زیات کړي دي.
د دوی په خبره، د خلکو د خوندیتوب او د اختر د خوښیو د خوندي فضا د برابرولو لپاره یې ۱۵۰۰ کسیزه ځانګړې قطعه جوړه کړې چې د ښار په بېلابېلو برخو کې به دوامدارې ګزمې کوي.
د پاکستان وروستیو بمباریو په کونړ کې د خلکو ورځنی ژوند ګډوډ کړی او ولس په ځانګړي ډول ښځې یې له وېرې او رواني ستونزو سره مخ کړي. دا بريدونه د ډيورنډ فرضي کرښې تر څېرمه په پروتو ناړۍ، دانګام، مرورې، سرګاڼو او خاص کونړ ولسوالیو ترسره کیږي. ځايي اوسېدونکي وايي، د بمبارۍ غږونو په اورېدو سره د وېرې او اندېښنې احساس کوي.
