د اسلامي امارت د ویاند مرستیال وايي چې نن د پاکستاني ځواکونو له لوري د کونړ ناړۍ ولسوالۍ پر ځینو سیمو د هاوان مرمۍ ویشتل شوي دي.
د حمدالله فطرت په وینا، د دغو بریدونو په پایله کې یو ملکي وګړی شهید شوی او یوه ښځه ټپي شوې ده.
د ټرانسپورټ او هوايي چلند وزارت ویاند حکمتالله اصفي وايي چې تېرکال د هېواد له هوايي ډګرونو څه باندې ۱۲زره الوتنې شوې دي.
اصفي ویلي، په همدې موده کې شاوخوا ۱.۶میلیونه مسافر هم لېږدول شوي دي.
د ټولګټو چارو وزارت ویاند محمداشرف حق شناس وايي چې د پسرلي له رارسېدو سره، په هېواد کې د بنسټیزو پروژو کارونه بېرته پیلیږي.
حق شناس زیاته کړې، هغه پروژې چې د تېر ژمي پرمهال د سړې هوا او نامناسبو اقلیمي شرایطو له امله په لنډمهالي ډول درېدلې وې، اوس یې چارې بېرته پیلیږي.
ملګروملتونو د اوبو نړیوالې ورځې په مناسبت ویلي چې د اوبو نړیوال بحران تر ټولو ډېرې اغېزې پر ښځو او نجونو دي.
یاد سازمان نن په یوه پیغام کې ویلي چې که څه هم د اوبو کمښت ټول خلک اغېزمنوي، خو ښځې او نجونې تر نورو ډېر زیان ویني.
د ماشومانو لپاره د ملګروملتونو ملاتړې اداره یا یونېسف وايي چې په ۲۰۲۵کال کې په افغانستان کې له دوه اعشاریه یو میلیونو څخه زیاتو کسانو ته د پاکو اوبو لاسرسی برابر شوی دی.
په نړۍ کې د خوښۍ د کلني راپور له مخې، افغانستان یو ځل بیا د نړۍ تر ټولو خپه یا غمجن هېواد بلل شوی، په داسې حال کې چې فنلند د نهم پرلهپسې کال لپاره د تر ټولو خوښ یا خوشحاله هېواد مقام خپل کړی دی.
د راپور له مخې، د افغانانو په ځانګړي ډول د ښځو د ژوند د رضایت کچه تر ټولو ټیټه ثبت شوې چې له ۱۰ نمرو څخه یوازې ۱.۲ ده.
د اوزبیکستان حکومت اعلان کړی چې افغانستان ته یې د خوراکي توکو په ګډون له ۲۹۰ ټنو څخه ډېرې بشري مرستې استولې دي. دغه مرستې د حیرتان بندر له لارې د افغانستان مسوولانو ته سپارل شوې دي.
په قطر کې د افغانستان د سفارت سرپرست سهیل شاهین ویلي چې د ا.ا د چارواکو نومونه باید د ملګروملتونو له تور نوملړ څخه لرې شي، ځکه وینا یې، دا د افغانستان او نړۍ ترمنځ د تعامل پر وړاندې لوی خنډ دی.
د ملګروملتونو سرمنشي، د انتونیو ګوترېش له متحده ایالات او اسراییل وغوښتل چې له ایران سره روان کړکېچ ته د پراخېدو مخکې د پای ټکی کېږدي، او خبرداری یې ورکړ چې دا جګړه کېدای شي «له کنټروله ووځي» او جدي ناوریني پایلې ولري.
د لبنان د روغتیا وزارت ویلي چې په دې هېواد د اسراییلو د تازه هوايي بریدونو پرمهال لږترلږه شپږ کسان وژل شوي او ۲۴ نور ټپیان دي.
وزارت زیاته کړې چې دغه کسان نن چهارشنبه، (کب ۲۷مه / مارچ ۱۸مه) د بیروت په ښار کې د اسراییلو د پوځ د دوو هوايي بریدونو په پایله کې ټپیان شوي او وژل شوي دي.
د کوچني اختر په رارسېدو سره د هېواد په ښارونو او لویو لارو کې د خلکو تګراتګ زیات شوی او د کوڅو له هر ګوټ څخه د «اختر مو مبارک شه» غږونه اورېدل کېږي. له اختر څخه مخکې بازارونه هم تاوده وو؛ د جامو، مېوو او خوږو دوکانونه له هغو کسانو ډک وو چې د دې ورځې لپاره یې چمتووالی نیوه.
دوی زیاتوي، که څه هم د کورنیو کرنیزې ځمکې د میراث په توګه ورته پاتې شوي او خپله یې کلونه کلونه د ځمکو په قلبه کولو، تخم شیندلو، اوبولګولو او حاصلاتو راټولولو کې زیار ایستلی، خو د ناسمو دودونو له امله تراوسه د ځمکو رسمي اسناد د هغوی په نوم نه دي ثبت شوي.
د لوګر والي قاري صلاحالدین ایوبي پر کابل د پاکستان بېګانی مرګونی برید «بشري ضد عمل» بللی او ټینګار یې کړی چې دغه برید به بېځوابه پاتې نهشي.
د والي له دفتر څخه رسنیو ته په استول شوې خبرپاڼه کې ویل شوي چې یاد برید د روژې مبارکې میاشتې په شپو کې پر یوه روغتیايي مرکز شوی چې له امله یې سلګونه ملکیان شهیدان او ټپیان شوي دي.
د تاوتریخوالي له زیاتېدو دې ډډه وکړي.
بنت نن سهشنبه، د کب۲۶، پر خپله اېکسپاڼه لیکلي پر افغانستان د پاکستان هوایي بریدونو له امله د ملکیانو وژلکېدو او ټپيکېدو ځورولی دي.
د افغانستان کرېکټ بورډ کابل کې د پاکستان د بېګانۍ شپې مرګونی برید غندلی او دا یې ستر جایت بللی دی.
کرېکټ بورډ نن سهشنبه، کب ۲۶مه، پر خپله فېسبوکپاڼه لیکلي چې پاکستان ستر جنایت کړی او د سلګونو کسانو ژوند یې، اخیستی دی.
د افغانستان کرېکټ ملي لوبډلې لوبغاړي راشدخان کابل کې د پاکستان د بېګاني مرګوني برید په غبرګون کې ویلي چې پر ملکیان برید جنګي جرم دی.
هغه نن سهشنبه، کب ۲۶مه پر خپله فېسبوک پاڼه لیکلي چې پلازمېنه کابل ښار کې د پاکستان وروستي برید له امله اوښتې مرګژوبلې ته خواشینی دی.
