د خوست محلي مسوولان وايي چې دغه ولایت کې د دوهنیم میلیونه ډالرو په ارزښت د یوه جومات او مدرسې د جوړولو چارې پیل شوې.
د خوست ولایت مقام څخه په خپره شوې خبرپاڼه کې ويل شوي چې د مرکز اړوند مټه چینه سيمه کې د نورالقران مدرسې او یو جومات جوړولو چارې پيل شوې.
د هرات محلي مسوولان وايي چې دغه ولایت کې د ۱۰۲ میلیونه افغانیو په ارزښت زلزلهځپلو ته ۲۸۸ کورونه جوړ او ورسپارلي دي.
د هرات والي نوراحمد اسلامجار وايي چې دغه کورونه د افغاني سرې میاشتې ټولنې له لوري او په لګښت جوړ شوي دي.
د ملګرو ملتونو د نفوس صندوق «UNFPA» له لوري په خپور شوي راپور کې ویل شوي چې نړۍ کې هره ورځ شاوخوا ۲۰زره کم عمره مېرمنې زېږون کوي.
په راپور کې همداراز راغلي چې هر کال ۷۰زره تنکي ځوانان مخ پر ودې هېوادونو کې د اومېندوارۍ پرمهال د اختلاطاتو له امله مړه کېږي.
د میدانوردګ د مڼو یوشمېر بڼوالو سلاموطندار ته وویل، له تېرو څو کلونو راهیسې د مڼو بڼوالۍ ته یې مخه کړې او له دې لارې د خپلې کورنۍ اقتصادي چارې سمبالوي.
دوي وایي، د پخوا په پرتله د مڼو تولیدات ښه شوي او د دغه ولایت د مڼو بڼوال د مڼو د کرکیلې، د تولیداتو، د مڼو د راشکولو او زیرمه کولو په اړه بشپړ پوهاوی لري.
د چاپیریالي بحرانونو له زیاتېدو سره هم مهاله، په کندوز کې یوشمېر کروندګر وايي، اقلیمي بدلونونه، د اوبو کمښت او نباتي ناروغیو او افتونو زیاتېدل د دې لامل شوي چې د پنبې په حاصلاتو کې د پام وړ کموالی راشي.
د ۱۳ کسیزې کورنۍ سرپرست سردارمحمد د زابل د شملزو ولسوالي پخواني بازار کې د دوکان له ورځنۍ ګټېوټې د کور اړتیاوې پوره کولې، خو د تېرو جګړو پرمهال يې هټۍ په بشپړ ډول ورانه او کابو یو میلیون افغانۍ زیان وراوښتی دی.
د هند ځانګړي استازي جيپي سېنګ د بهرنیو چارو وزارت له سرپرست امیرخان متقي سره لیدنه کې ژمنه کړې چې افغانانانو ته به د هند د ویزو برخه کې لا ډېرې اسانتیاوې برابرې کړي.
په دې لیدنه کې دواړو لوریو د افغانستان او هند ترمنځ پر سیاسي او اقتصادي اړیکو او د خلکو ترمنځ د تګ او راتګ په اړه هم بحث او خبرې کړې دي.
عبدالقهار بلخي پر خپله اېکسپاڼه لیکلي: «ا.ا د متوازن بهرني سیاست په رڼا کې د امریکا د ټاکنو د پايلو له راڅرگندېدلو سره هیله لري چې د امريکا راتلونکې اداره واقعبینانه گامونه پورته کړي، څو د دواړو هېوادونو ترمنځ په اړیکو کې ملموس پرمختگ رامنځ ته شي او دواړه هېوادونه وکولای شي د متقابل تعامل په رڼا کې د اړیکو نوی څپرکی پرانیزي.»
دغه غونډه کې د ترکیې، اوزبیکستان، قزاقستان، قرغزستان، اذربایجان، مجارستان او د شمالي قبرس مشرانو د نړۍ روانو حالاتو په تېره بیا د اسرائیلو او غزې جګړې، د روسیې او اوکراین ترمنځ روانې جګړې او د ترکژبو هېوادونو د سازمان د غړیو ترمنځ د همکاريو پياوړتيا او د افغانستان مسلې ته هم اشاره کړې.
خوست کې امنیتي چارواکي وايي چې دغه ولایت کې یې،هغه دوه کسان نیولي چې په بازار کې يې جعلي بانکنوټونه چلول.
د خوست امـنیه قومنداني څخه نن چهارشنبه، لړم ۱۶مه سلاموطندار ته په رالېږل شوې خبرپاڼه ويل شوي چې دغه کسان د اسماعېلخېلو ولسوالي کې نیول شوي دي.
د خوړو د نړیوال پروګرام (WFP) چارواکي وايي چې د روان کال پرمهال افغانستان کې تر ۱۶۰زره ډېر کسان د سېلابونو له امله اغېزمن شوي او زرګونه کورونه او کرنیزې ځمکې ویجاړې او یا لهمنځه تللي دي.
په هره ټولنه کې د ځوانانو له لوري د الګو ټاکل، د هماغې ټولنې د خلکو د چلند او لیدلوري په جوړولو کې ډېر ارزښت لري. خلک د دې لپاره چې وکولای شي، خپل ژوند او لیدلوری ښه وټاکي، الګو ته مراجعه کوي او د خپل لیدلوري او افکار سره سم خپله الګو ټاکي. الګو ښايي سالمه او ناسالمه وي، په همدې دلیل، ټاکنه یې، هم د خلکو ترمنځ توپیر لري.
افغانستان کې له زدهکړو د محرومو ماشومانو په اړه د اندېښنو په لړ کې د پوهنې وزارت مسوولان وايي چې د تېرو درېوو کلونو پرمهال هېواد کې زرګونه ماشومان او تنکیو ځوانانو ته د زدهکړو زمینه برابره شوې.
په داسې حال کې چې د امریکا د ۲۰۲۴ کال ولسمشریزې ټاکنې د جمهوري غوښتونکو ګوند د نوماند ډونالډ ټرمپ او د ډیموکراټ ګوند د نوماندې کاملا هرېس ترمنځ روانې دي، یوشمېر کارپوهان وايي، د ټاکنو پایلې به د نړۍ پر اوسني وضعیت بنسټیز اغېز ونهلري. سرپرست حکومت تمه لري چې د افغانستان په اړه باید د امریکا نظر رښتینی وي.
د لوګر پوهنې ریاست چارواکي وایي چې د ماشومانو لپاره د ملګروملتونو ملاتړې ادارې (UNICEF) له لوري د شاوخوا ۲۲ میلیونه افغانیو په ارزښت د پوهنې ریاست اړوند څلور رغنیزې پروژې پرانېستل شوې.
د صنعت او سوداګرۍ وزارت مسوولان وايي، د تېرو ۹میاشتو پرمهال افغانستان له چین سره د ۵۴۸میلیونه ډالرو په ارزښت سوداګریزه راکړه ورکړه کړې.
دې سوداګریزه راکړه ورکړه کې تر ډېره افغانستان له چین توکي وارد کړي. د اقتصادي چاروشنونکي نړیوال تجارت کې د چین ونډې ته په پام سره وايي، چین سره اقتصادي نږدېکېدا د هېواد په ګټه دی.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
