د بهرنیو چارو وزارت سیاسي مرستیال شېرمحمد عباس ستانکزی له ټولو هېوادونو په ځانګړي ډول د سیمې هېوادونو څخه غواړي چې د افغانستان په اړه مثبته پالیسي غوره کړي.
ستانکزي دغه څرګندونې نن (یکشنبه د لړم ۲۷مه) په کابل کې د غوره نوښتونو د ملي نندارتون د پرانیستې په مراسمو کې وکړې.
تهران ته د ټولګټو چارو وزارت د اوسپنیزې پټلۍ ادارې اړوند د یوه پلاوي رسمي سفر سره هممهاله، د دغه وزارت ویاند محمداشرف حقشناس وايي، افغانستان هڅه کوي چې د اوسپنې پټلۍ له لارې له نورو هېوادونو سره د سوداګریزو توکو لېږدرالېږد پراخ کړي.
د ریاستالوزرا اقتصادي معاونیت نن یکشنبه، لړم ۲۷مه پر خپله اېکسپاڼه لیکلي چې دغه کارخونه د ریاستالوزرا اقتصادي مرستیال ملا عبدالغني برادر او یوشمېر نورو چارواکو له لوري پرانېستل شوه. دې کارخونه کې ۹۳۰ میلیونه افغانۍ پانګونه شوې چې دا مهال پهکې ۹۰۰ کسانو ته هم د کار کولو زمینه برابره شوې.
د لوګر امنیه قومنداني چارواکي وايي چې د سوالګرو ټولولو لړۍ به څو ورځې دوام وکړي چې په ترڅ کې به يې، د پلعلم ښار او ولسواليو کې ټول سوالګر راټول شي.
د دغه ولایت د امنیه قومنداني له نشهيي توکو سره د مبارزې مدیر مولوي محمدسالم جان الفت پلعلم کې رسنیو ته وویل، په لومړی ورځ نن «یکشنبه، لړم۲۷مه» له پلعلم ښار څخه ۳۷ سوالګر راټول او بایومټریک څانګې ته ورپېژندل شوي دي.
افغانستان کې د بېپولې ډاکټرانو ټولنې مسوولان وايي چې تېرکال یادې ټولنې په هلمند کې د ۳۰۰زره ناروغانو درملنه کړې.
دغه څرګندونې د بېپوله ډاکترانو ټولنې د افغانستان مسوول میکایل لوپي، د یادې ټولنې د زون مسووله باربرا، ولایتي مسوول ارکین کسیکلي، د هلمند مرستیال والي سره په لیدنه کې کړي دي.
د زابل د ټرافیک مدیریت مسوولان وايي چې دغه ولایت کې له نقلیه وسایطو د بېمعنی لیکنو او سټېکرو د پاکولو کمپاین یې، پیل کړی دی.
د ټرافیک پولیسو مدیریت پرسونل د ټرافیکو لوی ریاست په ځانګړي هدایت د ټرافیکي کنټرول ترڅنګ د موټرونو له هندارو څخه مزاحمت کوونکي بېمعنی سټېکرو او لیکنو لرېکولو چارې پیل کړي دي.
د هلمند محلي مسوولان وايي چې د دغه ولایت په باغران ولسوالي کې د باراني اوبو زېرمه کولوپه موخه په ۴ میلیونه او۱۰۰زره افغانیو د یوه چکډېم د جوړېدو چارې پیل شوې.
پکتیکا کې چارواکي وايي، د یاد ولایت په اړوند ولسوالیو کې د پنځه میلیونه افغانیو په لګښت د اوبورسولو دوه شبکې جوړې او ګټېاخیستنې ته سپارل شوي دي. دغه شبکې په برمل او شکین ولسوالیو کې د څه باندې پنځه میلیونه افغانیو په لګښت رغول شوي.
خبرپاڼه کې دا هم ويل شوي چې د يادو شبکو پر جوړېدو سره ۲۱۶ کورنيو ته د پاکو اوبو زمينه برابره شوه.
د امریکا ټاکل شوي ولسمشر ډونالډ ټرمپ تېره اوونۍ په «مارالاګو» کې د ستراټیژیکو چارو له وزیر، ران درمر سره د لیدنې پرمهال د اسراییل او لبنان ترمنځ د اوربند وړاندیز لاسلیک کړی دی.
د اوربند لپاره د هوکړې طرحه لبنان کې د امریکا د سفیر لهخوا د تېرې پنجشنبې پر ورځ د لبنان د پارلمان رییس نبيه بري ته هم وړاندې شوې.
د خوست په ځاځي میدان ولسوالي کې د منظور شویو ۱۴ لويو او پراختيايي پروژو څخه د شپږو پروژو چارې پیل شوې.
د خوست ولايت مقام څخه نن «شنبه، لړم ۲۶مه» په لېږل شوې خبرپاڼه کې ويل شوي چې د خوست مرستیال والي په ځاځي میدان ولسوالي کې دغه پروژې پرانېستې دي.
د خوست محلي مسوولان وايي، دغه ولایت کې ۳۶ ټُنه بېکیفیته او چنجنې وریجې چې له پاکستان دغه ولایت ته راوړل شوې وې، بېرته یاد هېواد ته مستردې شوې دي.
د خوست ولایت مقام څخه په خپره شوې خبرپاڼه کې ويل شوي د کرنې، اوبولګولو او مالدارۍ ریاست اړوند د غلامخان بندر نباتي قرنطین مدیریت کارکوونکو له لوري دغه وریجې بېرته پاکستان ته لېږدول شوي دي.
د کار او ټولنيزو چارو وزارت د کار چارو مرستيال مولوي محمدزاهد احمدزی وايي، هرکال هېواد کې ۲۰زره کسان له حرفوي زدهکړو فارغېږي.
د نوموړي په وينا، دامهال هېواد کې د حرفوي زدهکړو۵۲ فعال مرکزونه شته چې هر کال ترې شل زره کسان فارغېږي او وزارت هڅه کوي، څو د حرفوي زدهکړو مرکزونه ولسواليو کې هم فعال کړي.
د کندهار کرنې، اوبولګولو او مالدارۍ ریاست مسوولان وايي چې د ملګروملتونو پراختیایي پروګرام «یواېنډيپي» په مالي ملاتړ د دغه ولایت په سپینبولدک کې د درېوو کانالونو د جوړېدو چارې پیل شوې.
دغه کانالونه د سپینبولدک په زنانه مارکیټ، کسیِ او ستون کارېز سیمو کې د ۵.۸ میلیونه افغانیو په ارزښت جوړېږي.
د افغانستان د علومو اکاډمۍ له لوري کابل کې (د هېواد اوبیزو سرچینو څخه د مناسبې ګټېاخیستنې د لارو چارو څېړنې) تر سرلیک لاندې، یو ورځنی علمي څېړنیز سیمینار جوړ شو. د اوبو او برښنا وزارت مسوولان وايي، افغانستان له پرلهپسې وچکالي سره مخ دی او هېوادوال باید د اوبو له بېځایه مصرف څخه ډډه وکړي.
د مخابراتو او معلوماتي ټکنالوژۍ وزارت مسوولانو نن چهارشنبه، لړم ۲۴مه کابل کې د یوې غونډې پرمهال د مخابراتي او انټرنیټي خدماتو وړاندې کولو لپاره نوې بیې اعلان کړې. د مخابراتو او معلوماتي ټکنالوژۍ وزارت سرپرست وویل، دغه نوې بیې د خلکو په غوښتنه د اسانتیاوو او د شرکتونو ترمنځ د سالمې سیالۍ رامنځ ته کولو په موخه ټاکل شوې دي.
د کندهار کرنې، اوبولګولو او مالدارۍ ریاست مسوولان وايي چې دغه ولایت کې د ۲۴زره امریکايي ډالرو په ارزښت درېوو ولسوالیو کې د سبزیجاتو لپاره شنېخونې جوړېږي.
دغه شنېخونې د یواېنډيپي په مالې ملاتړ او د یاد ریاست د کرنیزو چارو آمریت تر څار لاندې د کندهار ارغنداب، دامان او ډنډ ولسوالیو کې جوړېږي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
