ټرمپ کاناډا ته چین سره د معاملې پر سر د سل سلنه تعرفې ګواښ کړی
د امریکا ولسمشر ډونالډ ټرمپ کاناډا ته ګواښ کړی چې که له چین سره سوداګریزه معامله وکړي، نو په ټولو کاناډايي توکو او محصولاتو به
د امریکا ولسمشر ډونالډ ټرمپ کاناډا ته ګواښ کړی چې که له چین سره سوداګریزه معامله وکړي، نو په ټولو کاناډايي توکو او محصولاتو به
د استرالیا د سیدني ښار اړوند د سیند پر غاړه د یوه شارک کب له برید وروسته یو ۱۲ کلن هلک په روغتون کې ساه ورکړې ده.
د هلک کورنۍ په یوه بیان کې د هغه د مړینې پخلی کړی دی. دا پېښه په داسې حال کې شوې چې د استرالیا د ختیځ ساحل په اوږدو کې په وروستیو ورځو کې د شارک څو بریدونه ثبت شوي دي.
د اوکراین پوځ وایي چې د هېواد په ختیځو سیمو، په ځانګړي ډول د دونېڅک او خارکیف په لومړیو کرښو کې لاهم نښتې روانې دي.
د اوکراین د وسلهوالو ځواکونو عمومي قومنداني په خپل ورځني جګړهییزه راپور کې ویلي، روسیې یوازې په تېرو ۲۴ ساعتونو کې پر اوکرایني پوځي واحدونو او ملکي مېشت ځایونو ۹۰ هوايي بریدونه کړي دي.
د ترکیې د بهرنیو چارو وزیر هاکان فیدان خبرداری ورکړی چې اسراییل د ایران پر وړاندې د پوځي برید لپاره د مناسب فرصت په لټه کې دی او په وینا یې، دا ډول اقدام کولی شي د سیمې بېثباتي لا نوره هم زیاته کړي.
فیدان دا څرګندونې پرون جمعه، جنورۍ ۲۳مه، د ترکیې ټلویزیوني شبکې NTV سره په یوه مرکه کې وکړې.
یوه لوړپوړي ایراني چارواکي خبرداری ورکړی چې ایران به هر ډول پوځي برید د ځان پر ضد «بشپړه جګړه» وبولي.
دا څرګندونې داسې مهال کېږي چې تمه ده د امریکا یوه الوتکې وړونکې بېړۍ او نور پوځي تجهیزات په راتلونکو ورځو کې منځني ختیځ ته ورسېږي.
د روسیې، اوکراین او امریکا مذاکره کوونکو د جمعې په ورځ ابوظبي کې سره ولیدل، څو د خاورې اړوند مهمې مسلې په اړه خبرې وکړي.
د راپورونو پر اساس، د اوکراین د کړکېچ په اړه دغه درېاړخیزه امنیتي ناسته کې پر کوم مورد هوکړه نه ده شوې، خو خبرې به نن د جنوري په ۲۴مه هم دوام ومومي.
پوتین چې د روسي خبري اژانسونو له قوله یې خبرې خپرې شوي، د روسیې د امنیت شورا په غونډه کې وویل چې له امریکايي استازو سره به د هغو کنګل شویو روسي شتمنیو د احتمالي کارونې په اړه خبرې وکړي چې د جګړې له امله اغېزمنو شویو سیمو د بیارغونې لپاره تر بحث لاندې دي.
تمه ده چې امریکا نن پنجشنبه جنورۍ ۲۲مه په رسمي ډول د روغتیا نړیوال سازمان (WHO) څخه ووځي. ولسمشر ډونالد ټرمپ د خپلې ولسمشرۍ په لومړۍ ورځ د اجرایي فرمان له لارې اعلان کړی و چې امریکا به له نړیوال روغتیايي سازمانه ووځي. د امریکا د قانون له مخې، له سازمانه د وتلو لپاره باید یو کلن رسمي خبر ورکړل شي او ټول پاتې مالي مکلفیتونه ادا شي. دغه ګام د نړۍ پر روغتیايي وضعیت د منفي اغېزو په اړه له خبرداریو سره مخ شوی.
پاکستاني چارواکو ویلي چې د کراچۍ په یوه سوداګریز مرکز کې د اورلګېدنې له امله د وژل شویو شمېر لږترلږه ۶۰ کسانو ته لوړ شوی دی.
د چارواکو په وینا، د ګل پلازا شاپنګ سنټر د لټون او ژغورنې عملیات د پنجشنبې پر ورځ هم روان وو او ډلې هڅه کوي له هغو تر ۸۰ ډېر کسانو برخلیک معلوم کړي چې د شنبې ورځې د اورلګېدنې وروسته لاهم نادرکه دي.
د امریکا ولسمشر ډونالد ټرمپ د داووس په اقتصادي غونډه کې د وینا پرمهال پر اروپايي ټولنې نیوکه کړې چې اروپا پر ناسم لوري روانه ده او په وینا یې، د ځانوېجاړولو هڅه کوي.
پر غزې د اسراییلي ځواکونو تازه بریدونو کې د ٣ خبریالانو په ګډون ١١ فلسطینیان وژل شوي. د راپورونو پر اساس، وژل شویو کې دوه ماشومان هم شامل دي او شپږ کسان ټپیان شوي. د غزې روغتیايي مسوولان وايي، د اوربند له اعلان سره سره، د اسراییلي ځواکونو بریدونه په بېلابېلو سیمو کې نهدي درېدلي او لاهم ملکي وګړي په نښه کوي.
امریکا په یوه کمساري اقدام کې سینګاپور ته د ۲٫۳ میلیارد ډالرو په ارزښت د وسلو د پلور تړون تصویب کړی چې پهکې د P-8A پوسایدن کشفي الوتکې او د هوايي دفاع سیستمونه شامل دي.
د امریکا ولسمشر ډونالد ټرمپ خبرداری ورکړی چې که ایران د هغه د ترور لپاره کوم اقدام وکړي، نو د متحده ایالاتو ځواب به «ویجاړوونکی» وي او د هغه په وینا، دا به د ایران د «بشپړې نابودۍ» لامل شي.
ټرمپ دا څرګندونې د «نیوزنیشن» تلویزیوني شبکې سره په یوه مرکه کې کړي چې د سهشنبې په ماښام خپره شوې ده.
د اسپانیا په سوېل کې د اورګاډو د ټکر له امله لږترلږه ۴۰ کسان مړه شوي او ۴۳ نور ورک دي. دا پېښه هغه مهال رامنځته شوې چې یو ګړندی اورګاډی له پټلۍ واوښت او له یوه بل اورګاډي سره وجنګېد.
د اسراییلو پوځ اعلان کړی د لبنان په سوېل کې یې د حزبالله ډلې اړوند پر څو مرکزونو هوايي بریدونه کړي دي.
د لبنان ملي خبري اژانس راپور ورکړی چې اسراییلي جنګي جېټ الوتکو پرلهپسې او هوايي بریدونه کړي او هغه سیمه یې په نښه کړي چې د «انصار» او «الزراریه» ښارګوټو ترمنځ موقعیت لري.
د امریکا ولسمشر ډونالډ ټرمپ وايي، که څه هم نړۍ کې یې بېلابېلې جګړې درولي او د سولې نوبل جایزې نهده ورکړل شوې، نو دی نور «د سولې» په اړه فکر نهکوي.
د هغه دا څرګندونې په داسې حال کې شوي چې د ګرینلنډ پر سرلانجه پراخه شوې او د امریکا او اروپا ترمنځ د نوې سوداګریزې جګړې د پیل اندېښنې یې زیاتې کړې دي.