د ارجنټاین ولسمشر جاویر میلې د زامورا په ښارګوټي کې د ټاکنیز کمپاین پرمهال له سختو اعتراضونو سره مخ شوی دی.
د راپورونو له مخې، د ولسمشر د موټرو کاروان پر لوري د اعتراضکوونکو لهخوا ډبرې، بوتلونه او نور توکي ویشتل شوي چې له امله یې نوموړی له دې کمپاین روغ وتلی دی.
د اوکراین چارواکي وايي چې د روسي ځواکونو له لوري بېګاه شپه پر پلازمېنه «کییف» پراخ بریدونه شوي دي. دغه بریدونه د بېپیلوټه الوتکو او توغندیو په وسیله شوي چې له امله یې لږترلږه ۱۰ کسان وژل شوي او ۳۸ نور ټپیان دي.
چارواکو ویلي، یو ماشوم هم د قربانیانو په منځ کې دی.
د متحده ایالاتو ځانګړی استازی سټیف ویتکاف وايي چې د امریکا ولسمشر ډونالډ نن د غزې په تړاو یوه مهمه ناسته کوي.
نوموړي نن چهارشنبه، اکسټ ۲۷مه، فاکس نیوز سره خبرو کې څرګنده کړه چې ولسمشر دونالد ټرمپ به نن په سپینه ماڼۍ کې د غزې په اړه د یوې پراخې غونډې مشري وکړي.
د پنجشېر د عامې روغتیا ریاست چارواکي وایي چې د دغه ولایت د حصه اول ولسوالي یو اوسېدونکی په خپل شخصي لګښت په ۳۵زره ډالرو د خلکو د روغتیا لپاره یو کلینیک جوړوي.
د اسرائیلي پوځ وايي چې نن چهارشنبه، اګست ۲۷مه له یمن څخه د دوی پر لوري ویشتل شوی توغندی یې، په هوا کې شنډ کړی دی.
د پوځ په خبرپاڼه کې ویل شوي چې د توغندي د توغولو وروسته د اسرائیل په څو برخو کې د خطر زنګونه وهل شوي وو.
غزه کې د اسراییلي ځواکونو د پرلهپسې بریدونو له امله پرون شنبه، اګسټ ۲۴مه، لږترلږه ۵۰ فلسطینیانو ژوند له لاسه ورکړی او ګڼ نور ټپیان شوي دي.
د غزې د روغتیا وزارت ویلي، وژل شویو کسانو کې ښځې او ماشومان هم شامل دي.
په هند کې د یوې خونړۍ ترافيکي پېښې له امله لږترلږه اته کسان وژل شوي او شاوخوا ۴۳ نور ټپیان شوي دي.
پېښه نن دوشنبه، اګسټ ۲۵مه، سهار د یاد هېواد د اوتاراپردېش ایالت په بولندشهر ولسوالي کې رامنځته شوې ده.
د اسپانیا د هواپېژندنې ادارې(AEMET) اعلان کړی چې د روانې اګست میاشت کې دغه هېواد د تاریخ تر ټولو سختې تودوخې څپه تجربه کوي.
د ادارې د معلوماتو له مخې، د اګست له ۳مې څخه تر ۱۸مې پورې د تودوخې اوسط کچه د عادي حد په پرتله ۴.۶ درجې سانتي ګراد لوړه وه چې د ۲۰۲۲ کال د جولای پخوانی ریکارډ یې مات کړ.
د روسیې د دفاع وزارت اعلان کړی چې د متحده عربي اماراتو په منځګړیتوب د روسیې او اوکراین ترمنځ د بندیانو تازه تبادله شوې ده.
د راپور له مخې، دواړو لوریو د ۱۴۶ پوځیان تبادله کړي دي.
د امریکا ولسمشر ډونالډ ټرمپ په تازه څرګندونو کې ویلي چې د روسیې ولسمشر ولادیمیر پوتین او د اوکراین ولسمشر ولودېمیر زېلېنسکي سره یوځای کول،
د روبوټیک ټکسي یا Waymo شرکت چې د Alphabet (د ګوګل اصلي شرکت) یوه څانګه ده، په لومړي ځل په نیویارک ښار کې د خپلو برښنايي اتومات موټرو د ازمایښتي چلونې د فعالیت جواز ترلاسه کړ.
د شماليکوریا دولتي رسنۍ KCNA راپور ورکړی چې د سوېليکوریا پوځ د دواړو هېوادونو ترمنځ په سرحدي سیمه کې د خبرداري ډزې کړي چې شماليکوریا پاروونکې بللي دي.
شماليکوریا دولتۍ رسنۍ همداراز ویلي چې د سوېليکوریا د پوځ خبرداري خپرونې په دې سیمه کې زیاتې شوې دي.
د اسراییلو پوځ اعلان کړی چې (د زمري ۳۱مه / ۲۲ اګست) له یمن څخه د یوه توغندي په توغولو سره په څو سیمو کې د خطر زنګونه او دفاعي سېسټمونه فعال شوي دي.
د پوځ په خپره شوې خبرپاڼه کې راغلي: «له یمن څخه د توغندي د توغولو وروسته د اسرائیل په بېلابېلو سیمو کې د خطر اژیرونه فعال شول.» پوځ زیاته کړې چې دغه توغندی شنډ شوی او لاهم د پایلو ارزونه روانه ده.
د امريکا په نيويارک ايالت کې د سيلانيانو يو بس چپه شوی چې له امله يې د يوه ماشوم په ګډون ۵ کسان مړه او
کولمبیا کې د دوو بریدونو پرمهال لږ تر لږه ۱۸ کسان وژل شوي او له ۴۰ ډېر ټپیان دي.
رویټرز اژانس نن (جمعه، اسد ۳۱) راپور ورکړی چې د لومړي برید پرمهال د کولمبیا په درېیم ډېر نفوس لرونکي ښار کالي کې له چاودیدونکو توکو ډک موټر ته چاودنه ورکړل شوه.
راپور کې ویل شوي چې دغه برید د هوایي ځواک یوې اډې ته نږدې شوی او شپږ کسان په کې ووژل شول او لسګونه نور ژوبل شول.
د شماليکوریا دولتي رسنۍ (KCNA) نن پنجشنبه، راپور ورکړی چې کیم د پوځ د بهرني عملیاتو له افسرانو سره په لیدنه کې د هغوی «له اتلولۍ ډک رول» وستایه او ټینګار یې وکړ چې دغه ځواکونه د هېواد د نړیوال حیثیت او د کوریا – روسیې د ملګرتیا د پیاوړتیا لپاره ستره ونډه لري.
