د امریکا بېلا بېلو ایالتونو کې د تېرو څو ورځو واورو، توفانونو او سړې هوا له امله ۲۸ کسان مړه شوي.
د راپورونو پراساس، امریکايي چارواکو خبرداری ورکړی چې ښايي د مړینو شمېر نور هم لوړ شي.
همدارنګه د واورو او توفانونو په دلیل امریکا کې ۱.۵ میلیون کسانو او سوداګریزو مرکزونو ته برښنا قطع شوې.
چارواکو ویلي چې ښايي په سلګونه زره نورو کسانو هم برښنا پرې شي، نو په دې توګه یې غوښتنه کړې چې د برښنا او ګاز دواړو کارول کم کړي.
په منځني ختیځ کې د ابراهام لینکن د الوتکو وړونکې بېړۍ ځای پر ځای کېدل او د امریکا لهخوا خلیجي هېوادونو سره ګډ پوځي تمرینونه، پر ایران د امریکا د احتمالي برید سناریو تر بل هر وخت پیاوړې کړې.
د امریکا ولسمشر ډونالډ ټرمپ ویلي، ایران تر څار لاندې لري او یوه لویه پوځي بېړۍ یې د ایران پر لور لېږلې ده.
د اوکراین او روسیې ترمنځ دوه ورځنۍ خبرې چې د متحده عربي اماراتو په ابوظبي کې د امریکا په منځګړتوب وشوې، بې له دې چې کوم تړون یا موافقه ترلاسه شي، پای ته ورسېدې.
د امریکا په ډېرې برخو کې د «فیرن» په نوم د تاریخي ژمني توپان له امله څه باندې ۴۰۰۰ الوتنې لغوه شوې او د یکشنبې لپاره نږدې ۹۴۰۰ نورې هم ځنډول شوي دي.
دغه توپان چې د ټکساس له لوېدیځ تر ختیځ پورې پراخېدونکی دی، تراوسه د شاوخوا ۲۳۰۰۰۰زره خلکو برښنا پرې کړې ده.
امریکايي غرختونکی الېکس هونولډ د تایوان د تایپي ۱۰۱ لوړې ودانۍ ته بې له کومې رسۍ او یا د خوندیتوب وسایلو څخه ختلی دی. زرګونه نندارچیان د ودانۍ شاوخوا راټول شوي وو او د چکچکو او لاس ښورولو له لارې یې د هغه ملاتړ کاوه.
طبي سرچینو ویلي چې د غزې شمالي سیمه کې د اسراییلو د ډرون برید پرمهال د یوې کورنۍ دوه ماشومانو خپل ژوند له لاسه ورکړی دی.
ویل کېږي ماشومان د یوې کورنۍ غړي وو او هغه مهال په نښه شوي چې د کمال عدوان روغتون ته نږدې یې لرګي راټولول.
د امریکا ولسمشر ډونالډ ټرمپ کاناډا ته ګواښ کړی چې که له چین سره سوداګریزه معامله وکړي، نو په ټولو کاناډايي توکو او محصولاتو به
د استرالیا د سیدني ښار اړوند د سیند پر غاړه د یوه شارک کب له برید وروسته یو ۱۲ کلن هلک په روغتون کې ساه ورکړې ده.
د هلک کورنۍ په یوه بیان کې د هغه د مړینې پخلی کړی دی. دا پېښه په داسې حال کې شوې چې د استرالیا د ختیځ ساحل په اوږدو کې په وروستیو ورځو کې د شارک څو بریدونه ثبت شوي دي.
د اوکراین پوځ وایي چې د هېواد په ختیځو سیمو، په ځانګړي ډول د دونېڅک او خارکیف په لومړیو کرښو کې لاهم نښتې روانې دي.
د اوکراین د وسلهوالو ځواکونو عمومي قومنداني په خپل ورځني جګړهییزه راپور کې ویلي، روسیې یوازې په تېرو ۲۴ ساعتونو کې پر اوکرایني پوځي واحدونو او ملکي مېشت ځایونو ۹۰ هوايي بریدونه کړي دي.
د ترکیې د بهرنیو چارو وزیر هاکان فیدان خبرداری ورکړی چې اسراییل د ایران پر وړاندې د پوځي برید لپاره د مناسب فرصت په لټه کې دی او په وینا یې، دا ډول اقدام کولی شي د سیمې بېثباتي لا نوره هم زیاته کړي.
فیدان دا څرګندونې پرون جمعه، جنورۍ ۲۳مه، د ترکیې ټلویزیوني شبکې NTV سره په یوه مرکه کې وکړې.
یوه لوړپوړي ایراني چارواکي خبرداری ورکړی چې ایران به هر ډول پوځي برید د ځان پر ضد «بشپړه جګړه» وبولي.
دا څرګندونې داسې مهال کېږي چې تمه ده د امریکا یوه الوتکې وړونکې بېړۍ او نور پوځي تجهیزات په راتلونکو ورځو کې منځني ختیځ ته ورسېږي.
د روسیې، اوکراین او امریکا مذاکره کوونکو د جمعې په ورځ ابوظبي کې سره ولیدل، څو د خاورې اړوند مهمې مسلې په اړه خبرې وکړي.
د راپورونو پر اساس، د اوکراین د کړکېچ په اړه دغه درېاړخیزه امنیتي ناسته کې پر کوم مورد هوکړه نه ده شوې، خو خبرې به نن د جنوري په ۲۴مه هم دوام ومومي.
پوتین چې د روسي خبري اژانسونو له قوله یې خبرې خپرې شوي، د روسیې د امنیت شورا په غونډه کې وویل چې له امریکايي استازو سره به د هغو کنګل شویو روسي شتمنیو د احتمالي کارونې په اړه خبرې وکړي چې د جګړې له امله اغېزمنو شویو سیمو د بیارغونې لپاره تر بحث لاندې دي.
تمه ده چې امریکا نن پنجشنبه جنورۍ ۲۲مه په رسمي ډول د روغتیا نړیوال سازمان (WHO) څخه ووځي. ولسمشر ډونالد ټرمپ د خپلې ولسمشرۍ په لومړۍ ورځ د اجرایي فرمان له لارې اعلان کړی و چې امریکا به له نړیوال روغتیايي سازمانه ووځي. د امریکا د قانون له مخې، له سازمانه د وتلو لپاره باید یو کلن رسمي خبر ورکړل شي او ټول پاتې مالي مکلفیتونه ادا شي. دغه ګام د نړۍ پر روغتیايي وضعیت د منفي اغېزو په اړه له خبرداریو سره مخ شوی.
پاکستاني چارواکو ویلي چې د کراچۍ په یوه سوداګریز مرکز کې د اورلګېدنې له امله د وژل شویو شمېر لږترلږه ۶۰ کسانو ته لوړ شوی دی.
د چارواکو په وینا، د ګل پلازا شاپنګ سنټر د لټون او ژغورنې عملیات د پنجشنبې پر ورځ هم روان وو او ډلې هڅه کوي له هغو تر ۸۰ ډېر کسانو برخلیک معلوم کړي چې د شنبې ورځې د اورلګېدنې وروسته لاهم نادرکه دي.
د امریکا ولسمشر ډونالد ټرمپ د داووس په اقتصادي غونډه کې د وینا پرمهال پر اروپايي ټولنې نیوکه کړې چې اروپا پر ناسم لوري روانه ده او په وینا یې، د ځانوېجاړولو هڅه کوي.
