د روسیې ولسمشر ولادېمیر پوتین د امریکا د ولسمشر ډونالډ ټرمپ هغه څرګندونو ته په غبرګون کې چې روسیه یې «د کاغذي زمري» په نوم یاده کړې وه، وویل چې ښايي ناټو خپله د داسې یوه نوم وړ وي.
پوتین پرون پنجشنبه، اکتوبر دویمه خبرداری ورکړ، که واشنګټن اوکراین ته د توماهاک توغندیو د لېږلو پرېکړه وکړي، نو دا به د جګړې په کرښه کې نوی خطر لوړ کړي.
د ونزویلا حکومت د متحده ایالاتو د جنګي الوتکو له لوري خپلو پولو ته نږدې د «ناقانونه یرغل» په اړه اندېښنه څرګنده کړې او واشنګټن یې د «پوځي ځورونې» او د هېواد د ملي امنیت د ګواښلو په تور تورن کړی دی.
د اسراییلو پوځ ادعا کړې چې د لبنان سوېل په بوفور قلعه سیمه کې یې د حزبالله هغه تاسیسات په نښه کړي چې د دې ډلې د « بریدونو او دفاعي سېسټم» د مدیریت لپاره کارول کېدل.
د پوځ په خپره شوې خبرپاڼه کې راغلي: «په یاد ځای کې د ترهګریزو فعالیتونو نښې لیدل شوې وې او د وسلو زېرمتونونه، پوځي جوړښتونه او ځمکېلاندې تاسیسات بمبار شوي دي.»
د پاکستان د بهرنیو چارو وزیر، اسحاق ډار، ویلي چې د امریکا د ولسمشر ډونالډ ټرمپ له لوري د غزې په تړاو اعلان شوی ۲۰ مادهییز پلان د هغو مسلماناکثریت هېوادونو له مسودې سره سمون نهلري چې وړاندې یې ګډه طرحه وړاندې کړې وه.
غزه کې د اسراییلي ځواکونو د هوايي او ځمکنیو بریدونو له امله لږترلږه ۲۰ کسانو خپل ژوند له لاسه ورکړی او یوشمېر نور ټپیان شوي دي.
د روغتونونو سرچینې الجزیرې خبري شبکې ته ویلي چې د اسراییلو بریدونه د غزې په شمالي او مرکزي سیمو لاهم روان دي.
د ایران ولسمشر، مسعود پزشکیان، پر دغه هېواد د نړیوالو بندیزونو د بېرته راګرځېدو په اړه ویلي چې د هېواد اقتصاد باید د نفت او ګاز پر صادارتو ونه تړل شي.
د «ایرنا» د راپور له مخې، پزشکیان چې د پنجشنبې پر ورځ د بندرعباس ښار ته سفر کړی، په یوې ناستې کې وویل: «موږ هره ورځ شاوخوا ۸ میلیونه بوشکې نفت او ګاز تولیدوو. که یوازې ۱۰سلنه سپما په مصرف کې وکړو، دا د ۸۰۰زره بوشکو معادل دی.»
د ترکیې حکومت د نړیوالو بندیزونو په لړ کې د ایران د اتومي پروګرام اړوند شتمنۍ کنګل کړې دي.
د ترکیې دولت د نړیوالو بندیزونو په چوکاټ کې د ایران د اتومي پروګرام له اړوندو ۲۰ کسانو او ۱۸ بنسټونو شتمنۍ چې پهکې د ایران د اتومي انرژۍ سازمان هم شامل دی، کنګل کړي دي.
د مالیزیا لومړی وزیر انور ابراهیم، وایي چې د غزې د مرستو د کاروان پر کښتیو د اسراییلي کمانډو ځواکونو له لوري د ۲۳ مالیزیايي وګړو د نیولو خبر ورکړی دی.
انور ابراهیم په یوه ویډیويي پیغام کې چې پر ټولنیزو رسنیو خپور شوی، ویلي، د نیول شویو کسانو د خوشې کېدو لپاره به د منځني ختیځ له مشرانو ــ په ځانګړې توګه د ترکیې، مصر او قطر ــ څخه مرسته وغواړي.
د اسراییلو پوځ اعلان کړی چې غزه کې د نښتې پرمهال یو سرتېری وژل شوی او سوریه کې د اسراییلو یوې پوستې ته نږدې د چاودنې له کبله یو افسر سخت ټپي شوی دی.
د یمن حوثي ډلې اعلان کړی چې په اسراییلو کې یې، په بالستیک توغندي او دوو بېپيلوټه الوتکو «حساس» اهداف په نښه کړي دي.
د حوثيانو پوځي ویاند یحیی قاسم سریع، په یوه بیان کې وویل چې د «فلسطین۲» ډول بالستیک توغندي او ډرون باندې یې، د اسراییلو یافا سیمه کې مهم اهداف په نښه کړي دي.
د اسراییلو د «یدیعوت اخرونوت» ورځپاڼې راپور ورکړی چې د اسراییلي پوځ د نږدې نیمایي ریزرف سرتېرو مېرمنې وايي چې د جګړې له امله یې، خپلو خاوندانو سره کورنۍ اړیکې زیانمنې شوې دي.
د اسراییلو لومړي وزیر بنیامین نتنیاهو د «فاکس نیوز» تلویزیوني شبکې سره په مرکه کې ویلي چې د ایران د نږدې ۴۰۰ کیلوګرامه غني شویو یورانیمو د ساتلو ځای څخه خبر دی او دغه معلومات یې د امریکا متحدو ایالتونو سره شریک کړي دي.
د ایران د قضایي قوې اړوند خبري اژانس «میزان» راپور ورکړی چې د دوشنبې پر ورځ د «بهمن چوبي اصل» په نوم یو کس د اسراییلو استخباراتي ادارې ته د جاسوسۍ په تور اعدام شوی دی.
یادې رسنۍ ویلي چې بهمن چوبي په دیتابېس برخه کې له اسراییلي جاسوسي شبکې سره پراخ او هوښیارانه همکاری لرله.
د هند د تامیل نادو ایالت چارواکي وايي، د تامیل فلمي ستوري وِیجې له لوري د ټاکنیز کمپاین پرمهال په یوه لویه غونډه کې د خلکو د ګڼېګوڼې (سټامپېد) له کبله لږترلږه ۳۹ کسان وژل شوي او له ۵۰ زیات نور ټپیان دي.
د اوکراین ولسمشر ولودېمیر زېلېنسکي وايي چې د امریکا د متحدو ایالتونو له لوري د اوکراین او روسیې له خبرو د وتلو احتمال په راتلونکي کې شونې دی، خو په اوس وخت کې دا موضوع نه ده راولاړه شوې.
زېلېنسکي څرګنده کړې چې له ډونالد ټرمپ سره یې د روسیې د اقداماتو د ځواب په اړه څرګند نظر شریک کړی دی. هغه ټینګار وکړ که مسکو هڅه وکړي د اوکراین برښنا پرې کړي، کېیف به په کلکه ځواب ووایي.
د امریکا د بهرنیو چارو وزیر، مارکو روبیو د ملګروملتونو له لوري پر ایران د بندیزونو د بیالګولو وروسته، له تهران څخه وغوښتل چې «له ځنډ پرته» له واشنګټن سره د مستقیمو خبرواترو منلو ته چمتو شي.
روبیو ویلي: «ډيپلماسي لاهم یو اختیار کې ده او د یوې هوکړې ترلاسه کول د ایران د ولس او د نړۍ لپاره غوره پایله ده. د دې کار د عمليکېدو لپاره اړینه ده چې ایران په رښتینې نیت او پرته له ځنډ او خنډ د مستقیمو خبرو اترو مېز ته کېني.»
