بلخ کې د سوند توکو د پېر او پلور ځانګړی بازار پرانېستل شوی

د بلخ  محلي چارواکي وايي چې د سوند توکو د بیو کنټرول او د احتکار د مخنیوي لپاره (چهارشنبه، وږي ۲۶) په مزار شریف ښار کې د سوند توکو ځانګړی بازار پرانېستل شوی دی.

په مزارشریف ښار کې د مزار هوتل د تجارتي مرکز مسوول مصطفی مهمند، د دې بازار د پرانېستلو اصلي لامل د ښو تجارتي خدمتونو وړاندې کول او په بازار کې د اسانتیاوو برابرول شودلي دي.

محمد یعقوب مجاهد: د اردو مسلکي کولو ته ډېر پلانونه لرو

د دفاع وزیر مولوي محمد یعقوب مجاهد الجزیرې سره مرکه کې ویلي، د اردو مسلکي کولو او پیاوړتیا لپاره ډېر پلانونه لري.

هغه دغه مرکه کې وايي، دامهال په لواګانو کې هره میاشت کې سلګونه سرتیري فارغ کیږي او اسلامي امارت یوې پیاوړې، پرمختللې، امنیتي ذهنیت لرونکې اردو جوړولو ته ژمن دی.

سراج‌الدین حقاني: وضعیت په اسبابو نه‌، په تعامل کنټرولیږي

د کورنیو چارو وزیر سراج‌الدین حقاني د کابل امنیه قومندانۍ، ولسوالانو او مسوولانو ته په جوړه شوې اصلاحي او توصیه‌وي غونډه کې ګډون او وینا وکړه.

هغه د امنیتي ځواکونو په همغږۍ ټينګار وکړ او وې ویل، وضعیت په اسبابو نه، بلکې په تعامل کولو کنټرولیږي.

په دې غونډه کې د کورنیو چارو وزیر د امنیت د ټینګښت برخه کې د مسوولانو هڅې ستایلي.

بیمه؛ هغه حق چې د ښځو کاري قراردادونو کې ورته پام نه‌کیږي

د افغانستان د بیمې قانون دویمه ماده کې ویل شوي چې بیمه د بیمه‌کوونکي او بیمه‌کېدونکي ترمنځ داسې یو قرارداد دی چې پر اساس یې بیمه‌کوونکی د ټاکلې بیمې حق ترلاسه کولو په بدل کې، د مقابل لوري د خسارې جبران په غاړه اخلي.
ګڼ شمېر ښځې وایي چې په ډېری کار‌ځایونو کې کارکوونکو ته هېڅ ډول بیمه نه ورکول کېږي.

برتانیې د کونړ زلزله ځپلو سره ۳ میلیون پونډ مرسته کړې

د برتانیې بهرنیو چارو وزارت ویلي چې د هېواد په ختیځ کې زلزله ځپلو سره د مرستې لپاره یې ۳ میلیون پونډ ځانګړي کړي.
د دغه وزارت پر ویب‌سایټ خپره شوې بیانیه کې ویل شوي چې د هېواد په ختیځ کې له زلزلې وروسته د افغانستان وضعیت اوس هم ترینګلی دی او دغه مرستې ختیځو ولایتونو کې د زلزلې زیانمنو شویو څخه د ملاتړ لپاره په پام کې نیول شوي.

محمد یعقوب مجاهد د قطر د دولت دفاع وزیر سره لیدلي

د اسلامي امارت د دفاع وزیر مولوي محمد یعقوب مجاهد قطر ته د سفر پرمهال د قطر د وزیرانو شورا مرستیال او د دولت د دفاع وزیر شیخ سعود بن عبدالرحمن بن حس آلثاني سره لیدلي.

د دفاع وزارت ویلي چې دې کتنه کې د دواړو لوریو تر منځ پر مشترکو موضوعاتو بحث وشو.