د هرات محلي مسوولان وايي، د خواف–هرات د اوسپنې پټلۍ له لارې د توکو واردات د تېرکال په پرتله پنځه برابره زیات شوي دي.
د هرات د والي ویاند محمدیوسف سعیدي د معلوماتو له مخې، هره ورځ نږدې دوه زره ټنه سوداګریز توکي، په ځانګړي ډول سمنټ او کاشي، د دې پټلۍ له لارې د هرات روزنک تمځای ته رسیږي.
د يادو درملو او توکو سوځولو پرمهال د پکتیا عامې روغتیا رییس ډاکټر معراج ګل عادل وويل چې یاد توکي دوی د اړوند ټيمونو لهخوا د تېرو شپږو میاشتو په موده کې د مرکز ګردېز په ګډون له زرمت، احمدابا او ځينو نورو ولسوالیو کې له درملتونو او دوکانونو راټول او د يو ګډ پلاوي په شتون کې سوځول شوي.
د افغانستان او پاکستان د پلاویو ترمنځ د خبرو دویم پړاو د ترکیې په استانبول ښار کې پای ته رسېدلی او دواړو لورو پر اوربند او د راتلونکي پړاو د ناستې پر جوړېدو هوکړه کړې ده.
د اسلامي امارت ویاند، ذبیحالله مجاهد، د درېیم پړاو ناستې د ګټورې پایلې په اړه هیلهمندي څرګنده کړه چې په وینا یې، د پاتې موضوعاتو په تړاو به راتلونکې ناسته کې خبرې پرې وشي.
د هرات د صنایعو او کانونو خونې مسوولان وايي چې د دې ولایت د سلو صنعتي شرکتونو تولیدات نړیوالو بازارونو ته صادر شوي دي.
د یادې خونې رئیس، عبدالناصر امین، ویلي چې د هرات اصلي صادراتي توکي چې پهکې د نخي تار، المونیمي لوښي، بېلابېل مشروبات، خوراکي مواد او اچار شامل دي، د اروپا، امریکا او اسیا هېوادونو ته صادرېږي.
د افغانستان د کرنې، اوبولګولو او مالدارۍ وزارت اعلان کړی چې د ناروې د کډوالو شورا (NRC) په همکاري، په غزني کې ۳۰ ممیزخونې او ۲۰ سړېخونې د پیازو او کچالو د ساتنې لپاره جوړې شوې دي.
دغه وزارت نن (شنبه، د لړم لسمه/د نومبر لومړۍ نېټه) په یوه خبرپاڼه کې ویلي چې دا تاسیسات د لمر انرژۍ یا لمریزې برښنا پرمټ جوړ شوي دي. دا پروژې د غزني ښار تر څنګ د دهیک، اندړ، ناوه او مالستان ولسوالیو کې عملي شوې دي.
د ننګرهار د رسنیو دفتر په یو خپره شوې خبرپاڼه کې ویلي چې د تورخم دروازه نن شنبه چې د لړم مياشتې لسمې نېټې سره برابره ده، یوازې د راستنېدونکو کورنيو پرمخ پرانيستل کېږي.
د افغانستان د اسلامي امارت د عدلیې وزارت اعلان کړی چې په هېواد کې نهه هستوګنیز ښارګوټي د امارتي ملکیت په توګه تثبیت شوي دي.
دغه وزارت نن (شنبه، د لړم ۱۰مه) په یوه خبرپاڼه کې لیکلي چې دا ښارګوټي د تېرو درېوو کلونو په ترڅ کې د هغو ځانګړو محاکمو د پرېکړو له مخې امارتي ثابت شوي چې د غصب شویو دولتي ځمکو د قضیو د څېړلو لپاره جوړ شوې دي.
د «العربیه» د راپور له مخې، د غزې په سوېل کې د خانیونس ختیځې سیمې د شنبې سهار (د لړم ۱۰مه) د اسراییلي ځواکونو لهخوا بمبار شوي دي.
د اسراییلو پوځ د غزې ښار په ختیځه برخه کې د هستوګنیزو ودانیو د نړولو او چاودنو عملیاتو ته دوام ورکړی او د سیمې په فضا کې د بېپیلوټه الوتکو پراخ پروازونه لیدل شوي دي.
په قرغیزستان کې د ا.ا د سفارت سرپرست مولوي عبدالشکور حقاني د چین له سفیرې لېوجیانپینگ سره لیدلي دي.
دغه سفارت نن شنبه، لړم لسمه، پر خپله اېکسپاڼه لیکلي چې په دې لیدنه کې د سیاسي، اقتصادي او فرهنگي دوه اړخیزو اړیکو ترڅنگ، د سیمې پر امنیتي وضعیت، د سیمهییزې سولې او ثبات د پیاوړتیا او د متقابل اعتماد د زیاتوالي په اړه هر اړخیز بحث او خبرې شوې دي.
د خوست ولايتي مسوولان وايي چې په نادرشاه کوټ ولسوالي کې ۷۷ رغنيزې پروژې بشپړې او ګټېاخيستنې ته وسپارل شوې.
د خوست د کليوبيارغونې او پراختيا رييس عنايتالرحمن جلالي د يادو پروژو د ګټېاخيستنې مراسمو کې وويل چې يادې پروژې د ۱۵۵ ميليونه افغانی په لګښت د نادرشاه کوټ ولسوالي په ۶۵ کليو کې بشپړې شوې.
د اسلامي امارت ویاند ذبېحالله مجاهد وايي چې ترکیه کې د اسلامي امارت او پاکستاني پلاویو ترمنځ خبرې پای ته رسېدلې دي.
نوموړي پر خپله اېکسپاڼه لیکلي چې د اسلامي امارت او پاکستان مرکچي پلاویو د خبرو په دې پړاو کې پر پاتیو موضوعاتو هوکړه کړې ده.
دوي وايي، ډیری سیمو کې د څښاک پاکو اوبو څاه ګانې، کانالونه، چېنې او کاریزونه وچ شوي دي چې په دې سره د ځايي خلکو اندېښتې هم ډېري کړي دي.
هغوي له حکومت غوښتنه کوي چې په لوګر کې د اوبو مدیریت او تر ځمکې لاندې د اوبو سطحې خوندي ساتلو په تړاو خلکو ته عامه پوهاوی ورکړي او په همدې برخه کې عملي پروژې هم پيل کړي.
د لوګر د بدني روزنې او ورزش امریت مسوولان وایي چې د دغه ولایت په مرکز پلعلم کې د ۸۰ غوره لوبغاړو ترمنځ د سوکوهنې یوه ورځنۍ سیالۍ پای ته ورسېدې.
د دغه ولایت د بدنې روزنې او ورزش امریت انجینیر مزمل نعیمزي سلاموطندار ته وویل، په جوړو شویو سیالیو کې د مرکز پلعلم او ولسوالیو نونهالانو، تنکیو ځوانانو، ځوانانو او لويانو ورزش کارانو ګډون کړی وو.
یوشمېر حقوقپوهان وایي، د ښځو د ملاتړ لپاره د روښانه او ځانګړو قوانینو نشتون، په بېلابېلو برخو کې په ځانګړي ډول د سوداګرۍ په برخه کې چې د ښځو د فعالیت له لږو فرصتونو څخه شمېرل کېږي، ګڼې ستونزې راولاړې کړې دي.
مېرمنې نه یوازې د کورنیو د لګښتونو برابرولو کې مهمه ونډه لري، بلکې د سپما توان هم لري، خو وزګاره مېرمنې که څه هم اقتصادي پرېکړو کې فعاله ونډه لري، خو بې درامده مدیرانو باندې بدلې کړي چې مالي مدیریت یې د دوی لپاره په یوې پېچلې ستونزې بدل کړی دی.
افغانستان کې د «سرطان د تشخیص او درملنې» یا اینسيسيپي روغتون مسوولان وايي چې د مېرمنو د پوهاوي کچې کموالی، پر وخت د درملنې لپاره روغتونونو ته نه مراجعه او د درملیزو خدمتونو کمښت، لامل شوی چې هېواد کې ښځې د سینې پر سرطان اخته شي.
