د کندهار د کرنې ریاست چارواکي وايي چې د یادو واکسینونو د تطبیق موخه د ژمي له پیل وړاندې د پروتوزوایي ناروغیو د خپرېدو مخنیوی، د مالدارۍ سکتور ته د سالمې ودې زمینه برابرول او د مالدارانو اقتصادي ملاتړ کول دي.
په کابل کې د کورنیو ظرفیتونو او تولیداتو د پېژندنې ۱۷م نړیوال نندارتون نن پنجشنبه، لړم ۱۵مه پیل او درې ورځې به دوام وکړي.
دغه نندارتون د افغانستان د سوداګرو او پانګوالو اتحادیې او صنعت او سوداګرۍ وزارت په ګډو هڅو د لویې جرګې په خېمه کې جوړ شوی دی.
یوشمېر نجونو سلاموطندار سره په خبرو کې ویلي چې د کورنۍ تبعیض له کبله له ناهیلي، د حقارت احساس، د کورنیو اړیکو څخه د زړه سړېدو او په پایله کې د بېارزښتهکېدو او د حقونو د تر پښو لاندې کېدو احساس سره مخ شوې دي.
ارواپوهان خبرداری ورکوي چې دغه ډول چلند د نجونو پر ځانباوري منفي اغېز کوي او ژورې رواني اغېزې رامنځته کوي.
د کډوالو او بېرته راستنېدونکو چارو وزارت وايي چې ۴۳۳ افغان بنديان د پاکستان او عراق له زندانونو ازاد او هېواد ته رالېږدول شوي دي.
دغه وزارت نن پنجشنبه، لړم ۱۵مه، په خپره شوې خبرپاڼه کې ویلي چې له دې ډلې ۴۳۰ کسان د سپینبولدک له لارې او درې نور د نیمروز له لارې افغانستان ته ستانه شوي دي.
د ګردیز ښاروالۍ مسوولان وايي چې د تېرو شپږ میاشتو پرمهال په بېلابېلو برخو کې د ښاري اصنافو څخه شاوخوا ۵۴ ميليونه افغانی عوايد راټول کړي.
ګردېز ښاروال مولوي حبيبالله اغا اخندزاده ښاريانو ته د حساب ورکولو په يو پرګرام کې وويل چې ياده اندازه عوايد د جوزاونو، ښاري خدمتونو، د ښاروالي ملکيتونو څخه ترلاسه شوي دي.
ټاکل شوې چې د اسلامي امارت او پاکستان ترمنځ نن پنجشنبه، لړم ۱۵مه د خبرو درېیم پړاو د ترکیې په استانبول ښار کې پیل شي.
د پاکستان ډان ورځپاڼې راپور ورکړی چې د دواړو لوریو مرکچي پلاوي پرون چهارشنبه، د دوه ورځنیو خبرو لپاره استانبول ته رسېدلي دي. دغه خبرې د ترکیې او قطر په منځګړیتوب کېږي.
د کار او ټولنیزو چارو وزارت مسوولان وايي، د کابل ښار په پلچرخي کې د «اغوش» په نوم کمپ کې ۸۰۰ روږدي کسان له نشې روغ او بېرته خپلو کورنیو ته ستانه شوي دي.
د دغه وزارت د کار مرستيال، محمد زاهد احمدزي په دې اړه جوړو شویو مراسمو ته وویل چې یادو کسانو د څلورو مياشتو په موده کې په پنځو برخو کې مسلکي زدهکړې کړې دي.
د پاکستان ولسمشر اصفعلي زرداری د خپل رسمي سفر په ترڅ کې د قطر امیر شیخ تمیم بن حمد الثاني او د دې هېواد د دفاع له وزیر شیخ سعود بن عبدالرحمان الثاني سره د افغانستان د وضعیت په اړه خبرې کړې دي.
له پاکستان څخه د ناقانونه افغانانو د ایستلو په لړ کې چارواکي وايي چې یوازې پرون چهارشنبه، لړم ۱۴مه، له دغه هېواده ۱۴زره او ۵۷۷ افغانان بېرته هېواد ته راستانه شوي دي.
دغه کسان له تورخم او سپینبولدک او د هلمند له بهرامچې څخه هېواد ته راغلې دي.
د دغه ولایت د کرېکټ امر نصیراحمد امرخېل سلاموطندار ته وویل، د کرېکټ دغه پنځوس اوریزې سیالي د یادو ولایتونو د غوره لوبډلو ترمنځ ترسره شوې چې میدانوردګ کرېکټ لوبډلې وکولای شول د یادو سیالیو اتلولي خپله کړي.
د کرنې، اوبولګولو او مالدارۍ وزارت اعلان کړی چې له افغانستان څخه روسیې ته د مڼو د لېږد بهیر پیل شوی دی.
یاد وزارت نن چهارشنبه، لړم ۱۴مه پر خپله اېکسپاڼه لیکلي چې د مڼو لومړۍ جوپه چې ۵۰ مټریک ټُنه کېږي او ارزښت یې، ۱۰۰زره ډالرو ته رسېږي، روسیې ته صادرې شوې دي.
هلمند کې د یونېسف په مالي مرسته د څه باندې پنځوس میلیونه افغانیو په ارزښت شپږ نوې ښوونیزې ودانۍ جوړې او د پوهني ریاست له لوري ګټېاخیستنې ته وسپارل شوې. دغه ښوونځي د مارجه، خانشین، نادعلي، ګرشک، باباجي او نهرسراج ولسوالیو کې جوړې شوې دي.
د افغاني سرې میاشتې ټولنې مسوولان وايي چې د تېرو دولسو میاشتو په موده کې یې د هېواد په بېلابېلو برخو کې خپلې هڅې پراخې کړي او د بېوزلو، راستنېدونکو او د طبیعي پېښو د اغېزمنو خلکو لپاره یې د خدمتونو کچه تر ۳۰ سلنه لوړه شوې ده.
UNICEF builds drinking water network in Parwan with 9.4 million Afghanis
د افغانستان د فوټسال ۱۷کلنې ملي لوبډلې لوبغاړي پکتيا ته تللي او د مرکز ګردېز ښار مرکزي څلور لارې کې د ولسي خلکو د پراخ هرکلي او تشويق سره مخ شوي دي.
د فوټسال ملي لوبډلې يوه لوبغاړي علي رضا وويل چې د ولس او خلکو لهخوا د دوی تشويق ورته ډېره روحيه ورکړې ده.
د هلمند ډېری کروندګر وایي چې سږکال د ممپلیو حاصل د تېرکال په پرتله ښه دی، ځکه د ناروغیو پېښې کمې وې او موسم هم د دې فصل لپاره مناسب و.
