د خوست امنیه قومنداني څخه نن ورځ يکشنبه په لېږل شوې خبرپاڼه کې راغلي چې امنیتي ځواکونو د یو لړ عملیاتو په پایله کې د یوې مېرمنې په ګډون درې کسان نیولي چې د یوې بلې پیغلې نجلۍ د تښونې هڅه یې کوله او په جبر یې د نجلۍ له خوښې پرته نکاح ته اړ ایستله.
د هلمند د یوشمېر ولسوالیو اوسېدونکي د عامې روغتیا وزارت څخه غوښتنه کوي چې د دوی په سیمو کې روغتیایي مرکزونه جوړ کړي.
دوی وايي، د روغتیايي خدمتونو نشتوالی یا کمښت له امله ډېری وختونه اړ وي چې خپل ناروغان مرکز لښکرګاه او یا نورو ولایتونو ته ولېږدوي، خو په وینا یې، ځینې وختونه روغتون ته تر درملنې مخکې ساه ورکړي.
د بهرنیو چارو وزیر مولوي امیرخان متقي له خپل ایراني سیال سیدعباس عراقچي سره د بېلابېلو موضوعاتو په تړاو ټیلیفوني خبرې کړې دي.
د بهرنیو چارو وزارت نن یکشنبه، لړم ۱۸مه پر خپله اېکسپاڼه لیکلي چې په دې خبرو کې دواړه لوریو د دوو اړخیزو اړیکو ترڅنګ د افغانستان او پاکستان ترمنځ استانبول کې پر وروستیو مذاکراتو هم خبرې کړې دي.
د میدانوردګ د بدني روزنې او ورزش امریت مسوولان وایي چې د دغه ولایت په مرکز میدانښار کې د ۶۰ غوره ورزشکارانو ترمنځ د پهلوانۍ سیالي ترسره شوې.
هلمند کې د کرنې، اوبولګولو او مالدارۍ وزارت د ۱۲.۵ میلیونه افغانیو په لګښت د یوې سترې پراختیايي پروژې په لړ کې د ۲۱۳ بزګرانو لپاره د انارو د نويو باغونو جوړولو چارې پیل کړې چې موخه یې د بڼوالۍ معیاري کول، د اوبو سپما او د بزګرانو د تولیداتو لوړول دي.
د لوګر امنيه قومنداني چارواکي وايي امنيتي ځواکونو په مرکز پلعلم ښار کې هغه دوه کسان نيولي چې د يوې ښځې او يوې نجلۍ په
شمېرې ښیي چې دامهال له ۳۰۰ زیات د زمردو او بیروج کانونه د پنجشېر په بېلابېلو ولسوالیو کې تر کار لاندې دي.
د معدني موادو په دغو را ایستنو کې له ۱۵زره زیات کارکوونکي په مستقیم او غیرمستقیم ډول پر کار بوخت دي چې له قیمتي ډبرو خرڅولو څخه ځايي خلک او حکومتي اداره د پام وړ ګټه په لاس راوړي.
د اسلامي امارت ویاند ذبېحالله مجاهد نن شنبه، لړم ۱۷مه، د یوې خبرپاڼې په خپرولو سره ویلي چې د ترکیې په استانبول ښار کې د اسلامي امارت او پاکستاني پلاویو ترمنځ خبرې بېپایلې پای ته رسېدلې دي.
په لغمان کې روغتیايي کارکوونکي وایي چې د بواسېر یا «هموروئید» ناروغي د اومېندوارو ښځو ترمنځ یوه عامه ستونزه ده چې ډېری وخت د اومېندوارۍ په وروستیو میاشتو کې رامنځته کېږي. که څه هم دا ناروغي په مستقیم ډول پر جنین اغېز نه کوي، خو د مور لپاره د درد، خارښت، وینې بندښت او رواني فشار لامل ګرځي.
د هېواد په ختیځ کې د وږي ۹مه زلزلې د کونړ ترڅنګ، د ننګرهار درهنور کې هم ولسونو ته د سر او مال درانه زیانونه اړولي دي.
سُتن، مجګنډول، اوتران، لمټک، چوال، شیمل او وایګل د درهنور ولسوالي هغه سیمې دي چې زلزلې سختې ځپلي. دغو کلیو کې د اوسېدو ډېری کورونه یا خو نړېدلي او یا زیانمن شوي چې د اوسېدو وړ نه دي.
د هرات د امنیې قومنداني د نشهیي توکو پر ضد د مبارزې مدیریت مسوولان وایي چې جمعه (د لړم ۱۶مه) له ۵۰ ټنه ډېر نشهيي توکي سوځول شوي دي.
د نشهیي توکو ضد مبارزې مدیر حیاتالله روحاني وایي چې دغه مواد د امنیتي ځواکونو له لوري د بېلابېلو عملیاتو پرمهال راټول شوي وو.
له دغې زلزلې مخکې د څوکۍ ولسوالي د دیوهګل درې د ډېری خلکو ژوند له خندا او رڼا ډک وو، خو اوس د غم په تیارو کې ډوب دی. د دېوهګل درې د «پرخو بانډې» ۱۶کلن سلیم چې زلزله کې یې د کورنۍ ۴ غړي له لاسه ورکړي او ۱۲ ټپیان دي، اوس نه خوب لري او نه کور.
د کندوز د امنیه قومنداني ویاند، سمنیار جمعهالدین خاکسار وايي چې نن سهار شاوخوا د ۷:۳۰ بجې د ښارک سر دوره په سیمه کې چې د ښار د اتم امنیتي حوزه پورې اړه لري، چاودنه رامنځته شوې ده.
له ۳۲ ځوانانو (۱۶ نجونو او ۱۶ هلکانو) او یوشمېر ټولنپوهانو سره د «سلام وطندار» د مرکو پایلې ښيي چې په افغانستان کې د نسلونو واټن په ښارونو کې تر کلیو په پرتله ډېر ژور دی؛ هغه ځای چې تکنالوژۍ، ټولنیزو شبکو او د ژوند نوې بڼې د ځوانانو نړۍ له خپلو پلرونو او مېندو جلا کړې ده.
د ترانسپورټ او هوایي چلند وزارت د هېواد د ترانسپورټي نظم د رامنځته کولو او د ترافیکي بېنظمۍ د مخنیوي په موخه اعلان کړی چې د روان کال تر پایه به ۱۴۶ پروژې پلي کړي.
د بامیانو بودا له ستر او لرغوني نړیوال شهرت برخمن دی؛ خو د همدې ډبرو تر شا د ژوند خاموشه او سخته کیسه روانه ده.
په هماغو مغارو کې چې کله ناکله د بودایي راهبانو د عبادت او خلوت ځای و، نن د ماشومانو ژړا، د مېندو د الالو زمزمې اورېدل کېږي.
دا څمڅې چې له یو نیم زرو کلونو ډېر عمر لري، نن د پنځوسو بېوزلو کورنیو ناخوښه پناهځای ګرځېدلی دی.
