د خوست د اطلاعاتو او فرهنګ رياست مسوولان وايي، د خوست ښار منار کې د کتاب لوستنې او مطالعې ته د ځوانانو هڅولو په پار د «رڼا» په نوم د کتاب لوستنې درې ورځنی نندارتون جوړ شوی دی.
دغه نندارتون د روانې اوونۍ د یکشنبې پر ورځ پرانېستل شوی چې نن سهشنبه، لیندۍ ۲۷مه یې، وروستۍ ورځ ده.
د لوګر د کلیو پراختیا او بیارغونې ریاست مسوولان وایي چې د دغه ولایت په ازرې ولسوالي کې د څښاک پاکو اوبو رسولو دوه شبکې جوړې او ګټېاخیستنې ته سپارل شوي دي.
دغه شبکې د ماشومانو لپاره د ملګروملتونو ملاتړې ادارې (UNECEF) له لوري جوړې شوې دي.
د کندهار په پنجوايي ولسوالي کې ۲۰۰۰ غواګانو ته د پوستکي ناروغي ضد «لمپيسکېن» واکسین ورکړل شوی دی.
دغه واکسین د کندهار کرنې، اوبولګولو او مالدارۍ ریاست په هڅه او د خوراک او کرنې نړیوال سازمان (FAO) په مالي ملاتړ ورکړل شوی دی.
د ریاستالوزرا اقتصادي مرستیال ملا عبدالغني برادر لوګر ته د یوه سفر پرمهال د دغه ولایت له چارواکو سره لیدلي دي.
د لوګر مقام کې جوړې شوې غونډې ته د دغه ولایت والي مولوي ضیاالرحمن مدني د یاد ولایت د اوسېدونکو د پوهنې، روغتیا، کرنې او د اوبو مدیریت برخه کې شته ستونزې شریکې کړې.
د ا.ا د بهرنیو چارو وزارت سرپرست امیرخان متقي او د ترکمنستان د بهرنیو چارو وزیر په هرات کې د ټاپي پروژې عملي چارې له نږدې کتلې دي. د بهرنیو چارو وزارت د ویاند مرستیال ضیااحمد تکل وايي، دواړو لوریو په دې لیدنه کې د ویزو ورکړې پر اسانولو، د اوسپنې پټلۍ لارې تمدید، افغانستان ته د نوري فایبر لېږد او د دواړو هېوادونو ترمنځ پر لېږدرالېږد خبرې اترې کړې دي.
د اقتصاد وزارت مسوولان وايي، د روان لمریز کال له پیل څخه تراوسه بېلابېلو کورنیو او بهرنیو شرکتونو د لس میلیارډه او ۶۵۴ میلیونه ډالرو په ارزښت په بېلابېلو سکټورونو کې پانګونې ته لېوالتیا ښودلې او له دې ډلې له افغانستان سره د پانګونې لپاره د شپږ میلیارډه او ۶۰۰ میلیونه ډالرو هوکړهلیکونه لاسلیک شوي دي.
د هرات یوشمېر اوسېدونکي د هوا له سړېدو سره هممهاله په دغه ولایت کې د برښنا پرچاوۍ د زیاتېدو په اړه شکایت کوي.
د هرات ښار د بکراباد سيمې اوسېدونکې سيما سلاموطندار ته ویلي چې په وروستيو ورځو کې یوه شپه او ورځ کې یوازې له درېوو تر څلورو ساعتونو پورې برښنا لري.
د سمنګان د امنیې قومانداني ویاند حشمتالله رحماني سلاموطندار ته ویلي، څو شېبې مخکې یې هغه ۲۰ کانکیندونکي چې د ډبرو سکرو د یوه کان را غورځېدو له کبله بند پاتې وو، ژغورلي دي.
په ایران کې یوشمېر افغان کډوال او د نورو هېوادونو اوسېدونکي چې په دې وروستیو کې له دغه هېواده شړل شوي، له کډوالو سره د ایراني پولیسو د ناوړه چلن او د اېستلو بهیر د ګړندي کېدو خبر ورکوي.
نوراحمد او نظري دوه هغه افغان کډوال دي چې په ایران کې ناقانونه ژوند کوي وايي، پولیسو په وروستیو ورځو کې د کډوالو د نیولو بهیر چټک کړی او دی ترې پټ کار ته ځي.
په غزني کې د هوا له سړېدو سره سم د دغه ولایت یوشمېر اوسېدونکي د لرګیو لوړې بیې اندېښمن کړي دي.
دوی وايي، د دغه ولایت په بازارونو کې د لرګيو د کمښت او د لوړې بيې له امله د خپلو کورونو د ګرمولو لپاره مېوهلرونکې ونې پرې کوي.
د اداري اصلاحاتو او ملکي خدمتونو ادارې د عامې روغتیا وزارت ۴۲۴ تخصصي بستونو لپاره ازموینه واخیسته.
د دغې ادارې مسوولان وايي، د عامې روغتیا وزارت د څلورمو، پنځمو او شپږمو ۴۲۴ خالي بستونو لپاره ۳ زره او ۹۴۰ کسانو غوښتنلیکونه ورسپارلي وو چې ۳ زره او ۵۸۵ یې په شرایطو برابر پېژندل شوي.
د میدانوردګ په مرکز میدان ښار مرکزي جمنازیوم کې د شپږو ولایتونو ۲۴ لوبډلو ترمنځ د والیبال سیالي د میدان اتلانو لوبډلې په اتلولۍ پای ته ورسېدې.
د یاد ولایت والي ویاند وحیدالله سروري سلاموطندار ته وویل چې یادې لوبې د ځوانانو یووالي په موخه یوه اوونۍ وړاندې د میدانوردګ بدني روزنې او ورزش آمریت او د والیبال فدراسیون په ګډه همکارۍ جوړې وې.
د افغانستان کرېکټ ملي لوبډله به نن شنبه، لیندۍ ۲۴مه د درېوو شل اووره سیالیو د لوبلړۍ ګټلو لپاره له زمبابوې کرېکټ ملي لوبډلې سیالي وکړي.
یاده سیالي به نن مازدیګر څلور بجې د زمبابوې په حرېرې کرېکټ لوبغالي کې ترسره شي.
د هواپېژندنې ریاست مسوولان وايي چې نن جمعه، لیندۍ ۲۳مه د هېواد په شمالي او لوېدیځو ولایتونو کې د چټکو بادونو اټکل شوی دی.
د ټرانسپورټ او هوايي چلن وزارت اړوند د هواپېژندنې ریاست په یوې خبرپاڼه کې ویلي، بېلابېلو سیمو کې به د بادونو چټکتیا په یوه ساعت کې له ۵۰ تر ۸۰ کیلومترو پورې وي.
د ملګروملتونو امنیت شورا کې د چین استازي فو کونګ ویلي، افغانستان کې امنیتي او اقتصادي وضعیت ښه شوی او سیمهییزې همکارۍ پراخې شوي، خو بشري، پراختیایي او د ښځو حقونو مسایل نا حل پاتې دي.
د افغانستان کرېکټ ملي لوبډله نن جمعه، لیندۍ ۲۳مه د زمبابوې په کوربهتوب له دغه هېواد سره دویمه شل اووره سیالي کوي.
ټاکل شوې چې یاده لوبه نن مازدیګر ۴ بجې د زمبابوې په حرېرې کرېکټ لوبغالي کې پیل شي.
