په کاپیسا کې د یوه پانګوال په شخصي پانګې د ۵۰زره امریکايي ډالرو په ارزښت د غړو ښکلا «باډيبلډېنګ» کلب جوړ او ګټېاخیستنې ته سپارل شوی دی.
دغه ورزشي کلب (دوشنبه، لړم پنځمه) د ښوونې او روزنې ریاست چارواکو او د سیمې د اوسېدونکو په ګډون پرانېستل شوی دی.
د لوګر محلي مسوولان وایي چې د ولسي خلکو او سوداګرو په مالي ملاتړ د برهکيبرک ولسوالي اړوند «توريخېلو» سیمه کې د قبا په نوم یوه جومات ته د پنځه میلیونه افغانیو په مالي لګښت ودانۍ جوړېږي.
په دې اړه جوړو شویو مراسمو کې صنعت او سوداګرۍ وزارت مرستیال مولوي احمدالله زاهد، سیمهییزو مسوولینو او قومي مشرانو ګډون کړی وو.
د بلخ محلي مسوولان وايي چې په مزارشریف ښار کې له عمومي سړکونو، لارو او کوڅو څخه د سمنټي دیوالو د لرې کولو کمپاین پیل شوی دی.
د بلخ د امنیې قومنداني د معلوماتو له مخې، دغه کمپاین د ریاستالوزرا د لارښوونې پربنسټ د مزارشریف ښار د درېیمې امنيتي حوزې له سیمې څخه پیل شوی دی.
د بلخ محلي چارواکي وایي، په مزارشریف ښار کې د ۲۴۷ میلیونه او ۵۰۰ زره افغانیو په لګښت یو سوداګریز مرکزجوړ شوی دی.
د مزارشریف ښاروالي سکتوري رییس احمد جاوید مایار وایي، دا تجارتي مارکېټ چې د درې جریبه څخه په زیاته ځمکه جوړ شوی، نن دوشنبه، د لړم پنځمه، پهرسمي توګه ګټېاخستنې ته سپارل شوی.
د هرات د ټولګټو چارو ریاست مسوولان وایي چې د تخت صفر له سړک څخه تر انصاري پله پورې د سړک د سفالت چارې پیل شوي دي. دغه پروژه د هرات ښار د پنځم، اتم او پنځلسمو ناحیو اړوند ده.
د اسراییل پوځي چارواکي وایي، د غزې تړانګې پولې ته څېرمه د پوځ د درېوو هاموې موټرو د ټکر له امله له ۱۲ اسراییلي سرتېري ټپیان شوي دي.
د اسراییلو رسنیو د راپور له مخې، په ټپيانو کې د دوو ټپيانو روغتیايي وضعیت نازک او ۱۰ نور بیا لږ ټپيان شوي دي. د اسراییلو پوځ وايي، دغه پېښه د یوې عملیاتي چارې پرمهال رامنځته شوې او د پېښې د لامل په اړه څېړنې روانې دي.
د هرات د صنعت او سوداګرۍ خونې مسوولان وایي چې د روان لمریز کال له پیل راهیسې د هرات لاساوبدل شوي غالۍ د ۲۷۰ زرو امریکایي ډالرو په ارزښت بهر ته صادر شوي دي.
د هرات د سوداګرۍ او پانګونې خونې اجرائیوي رییس یوسف امین وایي، دغه غالۍ استرالیا، جرمني او اتریش هېوادونو ته لېږدول شوي دي.
د خوست ولایت مقام څخه په خپره شوې خبرپاڼه کې ویل شوي چې د کلیو او پراختیا ریاست په چوکاټ کې د ګربزو او موسیخېلو ولسواليو کې د بېلابېلو پروژو چارې پيل شوي دي.
خبرپاڼه زياتوي چې يادې پروژې د افغان پرمختیایي مؤسسې(ADA) له لوري او د خوړو د نړيوال پروګرام(WFP) په مالي ملاتړ پيل شوې دي.
د هلمند په ګرشک ولسوالي کې د ۵۰ میلیونه افغانیو په ارزښت د موټرسایکلونو خصوصي سوداګریز مارکېټ جوړ شوی دی.
د یاد مارکېت د پرانېستې مراسمو پرمهال د ګرشک ولسوال مرستیال شرافت وویل: «موږ هغه تجاران او پانګوال ستایو چې په خپلو سیمو کې د کار زمینه برابروي. دا ډول پانګونې نه یوازې د خلکو اقتصاد پیاوړی کوي، بلکې د بېکارۍ کچه هم راټیټوي.»
د پاکستان دفاع وزیر خواجه محمداصف وايي، که له اسلامي امارت سره یې، رامنځته شوې ستونزې د خبرو له لارې هوارې نهشي، په وینا یې، له افغانستان سره يې «ښکاره جګړه» ده.
هغه دغه څرګندونې پرون شنبه، اکتوبر ۲۵مه د پنجاب په سیالکوټ ښار کې له رسنیو سره د خبرو پرمهال کړې دي.
د ونزویلا ولسمشر نیکولاس مادورو پر امریکا سختې نیوکي کړي او ادعا یې وکړه چې واشنګټن د نوموړي حکومت پر وړاندې د «جګړې په اړه جعلي ادعاوې جوړوي.»
الجزیرې خبري شبکې نن یکشنبه، اکتوبر ۲۶مه راپور ورکړی چې مادورو، د کارابین سمندر ته د امریکا د بیړیو نږدې کېدل د امریکا د ولسمشر ډونالډ ټرمپ د «دائمې جګړې» د پیل نښه بللې ده. مادورو دغه ګام د امریکا د «ناسمو او جنایي روایتونو» په توګه یاد کړي دي.
په لبنان کې د حزبالله د سیاسي شورا مرستیال محمود قماطي اعلان کړی چې حزبالله به هېڅکله خپلې وسلې ونهسپاري او په وینا یې، دا ځواک «د هېواد د واک نښه او د لبنان د حاکمیت سمبول» دی.
قماطي وویل، «اسراییل هره ورځ پر موږ بریدونه کوي او د امریکا او اروپا لخوا راوړل شوې ټول فشارونه هېڅ ګټه نهلري.»
د امریکا ولسمشر، دونالد ټرمپ، په تازه څرګندونو کې ویلي چې منځني ختیځ کې د سولې د ټینګښت امکان شته او دا فرصت لري چې پیښت لرونکی پاتې شي.
هغه ټینګار وکړ چې د دې سولې دوام په هغو لوریو پورې تړلی دی چې خپله ژمنه ترسره کړي.
ناور دښته د افغانستان د پنځو مهمو ایکولوژیکي سیمو څخه یوه ده چې یو وخت د نادرو مرغانو په ځانګړې توګه د فلامینګونو او یوشمېر سایبریايي الوتونکو لپاره خوندي هسوګنځای و، خو په وروستیو کلونو کې د پرلهپسې وچکالیو او اقلیمي بدلون له امله له جدي ننګونو سره مخ شوې ده.
د ناور ولسوالي یوشمېر اوسېدونکي وايي د باران کمښت د لمدو ځمکو د وچېدو او د څړځایونو د لهمنځه تلو لامل شوی دی.
د هلمند مرکز لښکرګاه کې د «شهامت» په نوم یوې نوې خصوصي غږیزې رسنۍ په رسمي ډول پر ۹۱.۶ اېفاېم څپو خپلې مسلکي خپرونې پیل کړې. چارواکي دغه ګام په هلمند کې د رسنیز ډګر د پیاوړتیا لپاره مهم بولي.
د افغانستان اسلامي امارت د اطلاعاتو او فرهنګ وزارت د نشراتي چارو معین مولوي حیاتالله مهاجر فراهي د پرانیستې په مراسمو کې وویل چې د شهامت راډیو په ګډون دامهال په هلمند کې ۱۹ فعالې راډیوګانې موجودې دي.
د افغانستان د برښنا شرکت چارواکي وايي، په هلمند کې د برښنا دوه مهمې پروژې په رسمي توګه ګټېاخیستنې ته سپارل شوې چې په پایله کې به د هلمند او کندهار زرګونو کورنیو او صنعتګرو ته د برقي انرژۍ د برابرولو زمینه نوره هم پراخه شي.
