په چین کې د افغانستان د اسلامي امارت سفیر بلال کریمي، ویلي، تر هغو چې د پاکستان دننه د «شریره کړۍ» کنټرول نهشي، په سیمه کې به دوامدار ثبات رامنځته نهشي.
کریمي دا څرګندونې نن، سهشنبه، د تلې ۲۲مه) پر اېکسپاڼه (پخواني ټویټر) لیکلي دي.
هغه لیکلي: «پاکستان کې شریره کړۍ د سیمې د امنیت پر وړاندې د یوې سرطاني غدې په څېر راڅرګنده شوې ده. دا یوه مصنوعي پروژه ده چې د سیمې د سولې او ثبات پر وړاندې خنډ ګرځېدلې ده.»
د اسلامي امارت سفیر زیاته کړې چې دا کړۍ د پاکستان وګړي «یرغمل» نیولي او دغه هېواد یې د داعش، نشهيي موادو او نورو خطرناکو لوبو په ډګر بدل کړی دی.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
دا څرګندونې وروسته له هغې کېږي چې تېره اوونۍ پاکستان پر کابل ښار او د پکتیکا د برمل ولسوالي بریدونه وکړل؛ هغه بریدونه چې د دواړو هېوادونو اړیکې یې لا نورې ترینګلې کړې.
اسلاماباد ادعا کوي چې د افغانستان له خاورې د تحریک طالبان پاکستان (TTP) مشران ملاتړ ترلاسه کوي او له هغه ځایه پر پاکستان بریدونه پلانوي.
خو د افغانستان اسلامي امارت دغه ادعا ردوي او وایي، هېڅ ډلې ته اجازه نهورکوي چې د افغانستان له خاورې د بل هېواد پر ضد کار واخيستل شي.