د لومړي ځل لپاره د هرات صنعتي ښارګوټي کې د بټرۍ جوړولو فابریکې تولیدات سعودي عربستان او عربي متحده اماراتو ته صادر شول.
د دغو بټریو د صادرولو مراسم تېره ورځ د هرات محلي مسوولانو او یوشمېر سوداګرو په حضور کې ترسره شول.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
افغانستان کې د بټریو تولیدي فابریکو اتحادیې مشر او د «ګرینانرژۍ پلس» فابریکې مسوول عبدالمتین قلندري وویل، په دې فابریکې شاوخوا ۲۰ میلیون ډالره پانګونه شوې او ۵۵۰ کارکوونکي لري چې هره ورځ د نقلیه وسایطو لپاره څلور زره بټرۍ تولیدوي.
د هغه په وینا، دامهال افغانستان کې د بټریو تولید په سکټور کې ۱۱ فابریکې فعاله دي او په ټوله کې دغه برخه کې څه باندې ۱۱۰ میلیون ډالره پانګونه شوې ده.