د بنګلهدېش کرېکټ ملي لوبډلې د پاکستان په کوربهتوب د دغه هېواد د کرېکټ ملي لوبډلې پر وړاندې د لومړي ځل لپاره تسټ لوبه وګټله.
بنګلهدېش له دې وړاندې د پاکستان پروړاندې یوازې ۱۳ ټسټ لوبې کړې وې چې یوه لوبه مساوي پای ته رسېدلې وه او پاتې ۱۲ ټسټ سیالي پاکستان ګټلې وې.
د سلاموطندار پښتو فېسبوکپاڼه وڅارئ
پاکستان په دغه ټسټ لوبه کې چې د راولپنډۍ کرېکټ لوبغالي کې وشوه، لومړی توپوهنه وکړه او د شپږو لوبغاړو په سوځېدو یې، د ۴۴۸ منډو له جوړولو وروسته لوبه ودروله او بنګلهدېش ته یې، د توپوهنه بلنه ورکړه.
بنګلهدېش، د خپلې توپوهنې په لومړۍ پاڼۍ کې د مشفقالرحیم د ۱۹۱ منډو پر مټ ۵۶۵ منډې وکړې.
پاکستان بیا خپله دویمه توپوهنه کې د ټولو لوبغاړو په سوځېدو سره یوازې ۱۴۶ منډې جوړې کړې او بنګلهدېش ته یې، د ۳۰ منډو هدف ورکړ.
بنګلهدېش لوبډلې ورکړل شوی هدف د کوم لوبغاړو له سوځېدو پرته پور کړ او د پاکستان پر وړاندې یې، تاریخي ترلاسه کړه.
مشفقالرحیم د یادې لوبې غوره لوبغاړی ونومول شو چې یوې پاڼۍ کې یې، ۱۹۱ منډې کړې وې.