هرات کې د کانونو او پټرولیم ریاست مسوولان وايي چې دغه ولایت دا مهال له ۲۶کانونو د استخراج چارې روانې دي چې نږدې راتلونکې کې به څلور نورې سترې پروژې هم پیل شي.
د یاد ولایت د کانونو او پټرولیم ریاست د تفتیش امر عنایتالله امیني وايي، نږدې راتلونکې کې به څلور پروژې له هغې ډلې، د سمنټونو پروژه، د غوریان اوسپنې کان بلاکونو، د پشتون زرغون اوسپنې کان او د ډبرو سکرو اړوند پروژې پرانېستل شي.
د امریکا کرېکټ ملي لوبډلې د ۲۰۲۴کال شل اووره سیالیو نړیوال جام په لومړۍ لوبه کې کاناډا ته په اوو وېکټو ماته ورکړه.
د ۲۰۲۴کال شل اووره سیالیو نړیوال جام د امریکا او وېسټانډیز په کوربهتوب نن یکشنبه، جون دویمه په رسمي توګه پیل شوې.
د زابل د غرنیو ولسوالیو له ډلې یوه هم شینکۍ ولسوالي ده چې له مرکز کلات ښار څخه ۶۳ کیلومتره لرې پرته ده. د دې ولسوالي اوسېدونکي تر ډېره پر کرنې او مالدارۍ بوخت دي.
د لوګر پوهنې ریاست چارواکي وایي چې د پوهنې وزارت او د ماشومانو لپاره د ملګروملتونو ملاتړې ادارې /UNICEF له لوري د دغه ولایت په مرکز پلعلم او ولسوالیو کې د ۲۲ ښوونځيو ودانۍ بیارغول کېږي.
فاریاب کې یوشمېر صنعتکاره ښځو د خپلې سوداګرۍ د ودې او ښه عاید ترلاسه کولو په موخه، د توکو انلاین پلور ته مخه کړې.
دوی وايي، له انلاین پلور وروسته یې د لاسي صنایعو د پلور کچه لوړه شوې. مونسه قاريزاده چې ۴۵ نجونو ته یې د خیاطۍ زدهکړه ورکړې، سلاموطندار ته وویل، د انلاین پلور له لارې هغه او نجونې ښه عاید ترلاسه کوي.
د یادو ۶۶ نارینه او ښځینهوو له ډلې یې ۵۵کسانو ویلي، ټکنالوژۍ څخه استفادې یې د ژوند کیفیت ښه کړی. دغه ۵۵کسان چې ۳۱ښځې او ۲۴نارینه دي، وايي، له ټکنالوژۍ استفاده یې، د ګډ ژوند پر اړخونو مثبت اغېز کړی. سلاموطندار له ۶۶ ښځو او نارینهوو سره مرکې کړي چې موندل شوې، د ډېرو ګډ ژوند له ټکنالوژۍ څخه د استفادې له امله ښه شوی.
د ننګرهار ولایت مقام پر خپله اېکسپاڼه لیکلي چې د دغه ولایت مومند درې ولسوالي کې سیند کې د کښتۍ ډوبېدو له امله د ښځو او ماشومانو په ګډون ۲۰ کسان مړه شوې دي.
ولایت مقام همداراز لیکلي، پېښه نن شنبه، غبرګولې دولسمه سهار شاوخوا اووه نيمې بجې په سيند کې د يوې جنراتوري کښتۍ د ډوبېدو له امله رامنځته شوې.
د نایجریا پوځ وايي چې د دغه هېواد په سوېلختیځ ابیا ایالت کې د بېلتون غوښتونکو لهخوا د برید پرمهال د پنځو سرتېرو په ګډون ۱۱ کسان وژل شوي دي.
د امریکا دفاع وزارت ویاند جنرال اډوارډ ویلي چې برید پنجشنبه، مې ۳۱مه د IPOB په نوم د ناقانونه بېلتون غوښتونکې ډلې د وسلهوالو لهخوا پر یوه چکپواینډ شوی دی.
ټاکل شوې چې نن د اروپا فوټبال اتلانو لیګ پایلوبه د اسپانیا ریال ماډرېډ او د جرمني د برُوسیا ډورټمُنډ فوټبال لوبډلو ترمنځ ترسره شي.
دغه سیالي به نن شپه د افغانستان پر وخت ۱۱:۳۰ بجې د انګلستان د لندن په وېمبلي لوبغالي کې ترسره شي.
هند کې چارواکي وايي چې د دغه هېواد په ختیځ «بېهار او اوډېشا» ایالتونو کې د سختې ګرمۍ له امله ۲۴کسان مړه شوې دي.
رویټرز خبري اژانس نن جمعه، مې۳۱مه راپور ورکړی چې د ګرمۍ دغه څپه د شنبې تر ورځې روانه وي.
د ترکیې ولسمشر رجب طیب اردوغان وايي، د ملګروملتونو سازمان په غزه کې د اسراییلو ځواکونو روانو بریدونو مخنیوي کې پاتې راغلی او یاد سازمان یې د یوه «مړي» په توګه یاد کړ.
نوموړي دغه څرګندونې روانه اوونۍ د ترکیې پارلمان کې خپل ګوند ته د وینا پرمهال کړې دي.
یمن کې د حوثي غورځنګ تلویزیوني شبکې اعلان کړی چې پر دغه هېواد د امریکا او بریتانیو ځواکونو په بریدونو کې ۱۴ کسان وژل شوي او څه باندې ۳۰ نور ټپیان دي.
د یادې ټلوېزیوني شبکې د اعلان له مخې، دغه بریدونه بېګاه شپه «غبرګولي لسمه» شوې دي. د امریکا د پوځ مرکزي قومنداني «سېنټکام» بیا دغه عملیات د حوثیانو لهخوا پر سوداګریزو بېړیو د وروستیو بریدونو لپاره ځواب بللی دی.
د غزې په سوېلي ښار رفح کې د اسراییلي ځواکونو د هوايي بریدونو پرمهال لږ تر لږه ۱۲ فلسطینیان وژل شوي او د غزې د ساحلي سیمو په نورو سیمو کې هم جګړه روانه ده.
اسراییلو یوه ورځ وروسته له هغې په رفح باندې خپل برید ته زور ورکړ چې د دوی ځواکونو د غزې تړانګې او مصر ترمنځ د نږدې پولې په اوږدو کې د «بفر زون کنټرول» ترلاسه کړ.
د ښځو حقونو او ټولنیزې پراختیا ته په پام کوچۍ مېرمنې او نجونې لاهم د ژوند له بېلابېلو ننګونو او ستونزو سره لاس او ګرېوان دي. فقر، په کم عمر کې واده، ښوونیز او روغتیايي خدمتونو ته نهلاسرسی، نورې هغه برخې دي چې کوچۍ مېرمنو او نجونو ته یې ژوند سخت کړی دی.
د هېواد په بېلابېلو سیمو کې د شویو اورښتونو له امله راوتلیو سېلابونو د هستوګنې ګڼ کورونه نړولي او د عامو سړکونو او لویولارو په ګډون یې بنسټیزو زېرمو ته هم سخت زیانونه رسولی دی.
لوګر کې د پلعلم ښاروالي چارواکي وایي چې په تېر یوه کال کې یې د شاوخوا ۳۰ میلیونه افغانیو په ارزښت پنځه رغنیزې پروژې بشپړې او ګټېاخیستنې ته سپارلي دي. سعید زیاتوي، دغه پروژې د پلعلم ښاروالي د پراختیایي بودیجې له لوري د شاوخوا ۳۰ میلیونه افغانیو په مالي لګښت بشپړې او ګټېاخیستنې سپارل شوي دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
