د هلمند محلي مسوولان وايي چې د دغه ولایت په سوېلي خانشین او دېشو ولسوالیو کې ۵۸۰۰ کورنیو ته د څښاک پاکو اوبو شبکې او د تصفیې «چاڼ» ماشینونه فعال شوې دي. د هلمند د والي ویاند محمدقاسم ریاض سلاموطندار ته وايي چې د یادو شبکو او تصفیې ماشینونو پر فعالېدو درې میلیونه افغانۍ لګښت راغلی دی.
د هېواد په ۱۶ ولایتونو کې نن پنجشنبه، غبرګولي ۱۶مه د دولسم ټولګي له فارغ شویو زدهکوونکو څخه د روان ۱۴۰۳کال د کانکور ازموینې د اخیستلو بهیر پیل شو.
د ازموینو ملي ادارې نن پنجشنبه، غبرګولي ۱۷مه پر خپله اېکسپاڼه لیکلي چې د یادې ادارې سرپرست عبدالباقي حقاني هرات ته تللی او هلته یې په رسمي توګه د کانکور ازموینې بهیر پیل مراسمو کې ګډون کړی دی.
بغلان د هېواد په شمال کې پروت هغه ولایت دی چې ګڼشمېر تاریخي سیمې او لرغوني اثار لري. د دغه ولایت «کافرکلا» په څېر ځينې یاد لرغوني ځایونه ان ۲زره کاله لرغونتوب لري او د کوشانیانو او بودایانو له دورې څخه پاتې دي. دغه ولایت کې وروستیو سېلابونو یوشمېر تاریخي اثار او لرغونې سیمې په بشپړه او نیمه بشپړه توګه ویجاړې کړې دي.
پر کرنیزه ځمکه «نوبتي کرنه» د کښتونو بدلون هغه دوره ده چې له مخې یې، کرنیز محصولات ښه کېږي، د نباتي ناروغیو مخنیوی کوي، کرنیزه ځمکه غني کوي او د حاصلاتو د ښې ودې او زیاتوالي لامل کېږي.
نړۍ کې هم بڼوال له کیمیاوي سرې او درملو د کمې ګټې اخیستنې او کرنیزو محصولاتو زیاتیدو لپاره له دغه مېتود څخه کار اخلي.
د خوست کرنې، اوبولګولو او مالدارۍ رياست مسوولان وايي چې، دغه ولایت کې د تېرکال «۱۴۰۲» په پرتله سږکال د دغه ولايت د غنمو په حاصلاتو کې ۳۰ سلنه زياتوالی راغلی دی.
د دوی په وینا، روان کال د غنمو فصلونه د ږلۍ او نورو طبيعي افتونو څخه خوندي پاتې شوي چې ورسره یې حاصلات ښه دي.
د لوګر امنیه قومنداني د دغه ولایت له ټولو خبریالانو، شنوونکو اوسېدونکو څخه غوښتنه کړې چې له افغانستان انټرنېشنل راډيو-تلویزیون له لیدو او همکاري ډډه وکړي او سرغړوونکي به قانون ته وسپارل شي. انس همدارنګه زیاته کړه، که د لوګر خبریالان، شنونکي او عام خلک له افغانستان انټرنېشنل راډيو-تلویزیون سره هر ډول همکاري وکړه، مجازات به شي.
د پلازمېنې کابل ښار یوشمېر اوسېدونکي وايي چې د هوا په ګرمېدو سره کابل سیند کې اوبه کمې شوي چې ورسره دغه سیند کې د خځلو «کثافاتو» بوی په تنګ کړي دي.
د دوی په وینا، د کابل سیند پر غاړه هستوګنیز کورونه او هټۍوال دغه سیند ته خځلې او کثافات ورغورځوي چې د ګرمۍ له امله یې بوی، خلک له بېلابېلو ستونزو سره مخ کړي.
د کار او ټولنيزو چارو وزارت مسوولان وايي چې دا مهال د دغه وزارت اړوند روزنتونونو کې شاوخوا ۱۰زره بېسرپرسته او يتيم ماشومان ساتل کېږي او تر روزنې لاندې دي. هغه زیاته کړه، هېواد کې د جګړو له امله ډېری ماشومان بېسرپرسته او يتيم شوي چې په وینا یې، د روزنې لپاره يې حکومت ولايتونو کې روزنتونونه جوړ کړي او ماشومان تر روزنې لاندې دي.
د لوګر صنعت او سوداګرۍ ریاست مسوولان وایي چې د دغه ولایت په مرکز پلعلم او یوشمېر ولسوالیو کې د خوراکي او غیرې خوراکي توکو
د هېواد په یوشمېر ولایتونو کې د ورستیو سېلابونو له امله زیانمنې شوې کورنۍ، وايي چې شپه او ورځ له سرپناه پرته په لوږه تېروي.
د نږدې تېرې یوې میاشتې پرمهال د هېواد په شمال، شمالختیځ او لوېدیځ ولایتونو کې پراخ سېلابونه راووتل چې ګڼشمېر کورنۍ یې د غم پر ټغر کېښنولې.
د ترکیې په اسټانبول کې زرګونو کسانو د دغه هېواد د حکومت له هغې طرحې سره مخالفت څرګند کړ چې له مخې یې، سپیان لهمنځه وړي.
دغه کسان یکشنبه، جون دویمه، د اسټانبول یني کاپي میدان کې راټول شوي وو او د کوڅه ډبو سپیو د لهمنځه وړو پر وړاندې یې مخالفت څرګند کړ.
د افغانستان کرېکټ ملي لوبډله د ۲۰۲۴کال شل اووره سیالیو نړیوال جام، ګروپ پړاو لوبو کې خپله لومړۍ سیالي، سبا سهشنبه، جون څلورمه د یوګاندا پر وړاندې کوي. ټاکل شوې چې دغه لوبه سبا سهار ۵:۰۰ بجې د ګیانا په «پروفېډنس کرېکټ لوبغالي کې ترسره شي. دغه لوبغالی د ګیانا کرېکټ ملي لوبغالي باندې هم مشهور دی. افغانستان په دغه لیګ لوبو کې پنځه لوبې وکړې چې څلور یې وګټلې او یوازینۍ لوبه یې یوګاندا ته وبایلله.
د لوګر امنیه قومنداني چارواکي وایي چې نن یکشنبه ( ۱۳غبرګولي) مرکز پلعلم ښار اړوند «کارت مامورین» سیمه کې د هوان سرګلولې د چاودنې له امله یو تنکی ځوان وژل شوی دی.
د چک جمهوریت کې یوې مېرمنې پر «پليتګ» ۹۰۰ کاله پخوانۍ شاوخوا ۲۰۰۰ سکې موندلې دي.
پر یادو سکو د یوولسم او دولسمو پېړنیو د درېوو پادشاهانو د واکمنۍ د دورو نښې نښانې موندل شوي دي.
د بهرنیو چارو وزارت وايي چې د ایران په مشهد ښار کې یې افغان جنرل قونسل «عبدالجبار انصار» له دندې ګوښه کړی او لاسلیک یې اعتبار نهلري.
د یاد وزارت ویاند عبدالقهار بلخي پر اېکسپاڼه لیکلي چې نوموړی د ریاستالوزرا د حکم پر بنسټ له دندې ګوښه او کابل ته غوښتل شوی دی.
شمالي کوریا یو ځل بیا د سوېلي کوريا پر لور له کثافاتو ډک بالونونه ورخوشې کړې دي.
د شمالي کوریا د پوځ په وینا، پیونګ یانګ دغه کار د سوېلي کوريا له خوا د پولې په اوږدو کې د دوی ضد الوتنو ته د غچ اخیستلو له امله کوي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
