پکتیا کې د ګردېز ښاروالي مسوولان وايي چې دغه ولایت کې د ۴۰زره امریکايي ډالرو په لګښت د سړکونو د جوړېدو چارې پیل شوې.
د ګردېز ښاروالي د مسوولانو په وینا، د ملګروملتونو پراختيايي ادارې(UNDP) په مالي لګښت د پکتيا په مرکز ګردېز کې د لوړ پوړيزو ودانيو ترمنځ د کوچنيو سړکونو د کانګريټي جوړيدو چارې پيل شوې دي.
د امام ابوحنیفه درېیم نړیوال نندارتون د سوداګرو، کورنیو پانګوالو او د سیمې هېوادونو د استازیو په ګډون نن یکشنبه، تلې ۱۵مه، کابل کې پرانیستل شو چې شپږ ورځې به روان وي.
د امامابوحنیفه درېیم نړیوال نندارتون یوشمېر ګډونوال خپلو محصولاتو ته د بازارموندنې لپاره د دغه ډول نندارتونو ترسره کول ګټور بولي.
په لوګر کې د دولتي ځمکو د غصب مخنیوي کمېسیون مسوولان وایي، د دغه ولایت مرکز پلعلم ښار اړوند په «وزیرکلا» سیمه کې شاوخوا ۱۶۰۰ جریبه ځمکه له غصب را ګرځول شوې.
کاپیسا ولایت کې له لوړو زدهکړو پاتې یوشمېر نجونې زدهکړیالانې وايي، د پوهنتونونو له تړل کېدو وروسته یې، د وزګارتیا له امله کرنې او لاسي صنایعو ته مخه کړې.
د کاپیسا ولایت د مرکز «محمودراقي» اوسېدونکې رویا وايي چې د پوهنتونونو له تړلکېدو وروسته یې، خیاطي ته مخه کړې.
د میدانوردګ د کرنې او مالدارۍ ریاست مسوولان وایي چې د ملګروملتونو د خوړو او کرنې نړیوال سازمان (FAO) له لوري د مرکز میدانښار په ګډون په نهو ولسوالیو کې پر شپاړس نېم زره بزګرانو د غنمو اصلاح شوی تخم او کیمیاوي سره وېشل شوې.
سلاموطندار له ځیرکو ټیلیفونونو د استفادې په پار له ۲۷ نجونو او هلکانو سره مرکې کړې چې د یادو مرکو پایلې ښيي، ډېری دغه ځوانان له ځیرکو موبایلونو د زدهکړو، انلاین پېر، د اطلاعاتو کچې لوړېدو او تفرېح لپاره کاروي. سونم وویل: «له برښنالیک استفاده کوم؛ برښنالیک راته بل چا جوړ کړی دی.»
د پکتيکا ولايت مقام څخه سلاموطندار ته په رالېږل شوې خبرپاڼه کې ویل شوي چې د دغه ولایت د محلي رسنیو ترمنځ د کرېکټ سیالي پیل شوې.
د خبرپاڼې له مخې، دغه سیالي د اطلاعاتو او فرهنګ رياست اړوند ځوانانو چارو امريت له لوري او د کرېکټ امریت په همغږي پیل شوې دي.
د اسلامي امارت د بهرنيو چارو وزارت سرپرست اميرخان متقي د مسکو فارمټ شپږمې ناستې په څنډه کې د روسيې بهرنيو چارو وزير سرگي لاوروف سره لیدلي.
د بهرنیو چارو وزارت د ویاند مرستیال ضیا احمد تکل ویلي، دې ناسته کې دواړو لوريو د افغانستان او روسيې پر دوه اړخيزو سياسي او اقتصادي اړيکو او سيمهييزو چارو خبرې کړي.
د لوګر د کلیو پراختيا او بيارغونې ریاست چارواکي وايي، د خوړو نړیوال پروګرام (WFP) له لوري د دغه ولایت له شاوخوا ۴۰۰ بېېوزله او اړمنو کورنیو سره د خوراکي توکو مرسته شوې.
د افغانستان په اړه د مسکو فارمټ شپږمه غونډه روسیه کې د یوشمېر هېوادونو د استازیو او د سرپرست حکومت د پلاوي په ګډون «جمعه، تلې ۱۳مه» جوړه شوه چې د بېلابېلو موضوعاتو په تړاو پهکې بحث او خبرې وشوې.
د سرپرست حکومت د ویاند ذبېح الله مجاهد سلاموطندار ته وویل چې دغه غونډه د افغانستان او د سیمې د پرمختګ لپاره مهمه ناسته وه.
د هرات د سوداګرۍ او پانګونې خونې مسوولان وايي چې د روان کال لومړیو شپږو میاشتو کې له دغه ولایت د صادراتو کچه ۹۸سلنه زیاته شوې.
د هرات صادرات د اسلامقلعه او تورغونډۍ بندرونو له لارې نورو ولایتونو او هېوادونو ته کېږي.
د هایټي په مرکزي ښارګوټي کې د ګرانګریف ډلې «بانډ» وسلهوالو په برید کې لږ تر لږه ۷۰ کسان وژل شوي او ۳۰۰۰ نور خپلو سیمو پرېښودو ته اړ شوې دي.
د ملګروملتونو د بشري حقونوعالي کمېشنرۍ دفتر «جمعه، اکتوبر پنځمه» وویل چې دا برید د پنجشنبې په ورځ د پورټاوپرنس شمال لویدیز ته په ۱۰۰ کیلومترۍ، په پونټسونډ کې شوی دی.
له هغه وخت راهیسې چې اسراییلو لبنان کې د حزبالله پر مرکزونو بریدونه پیل کړي، دغه هېواد کې د یادو بریدونو له امله څه باندې ۲۰۰۰ کسانو خپل ژوند له لاسه ورکړی دی.
د لبنان روغتیا وزارت چارواکو په وینا، دغه کسان یوازې د اسراییلو په هوايي او ځمکنیو عملیاتو کې وژل شوي دي.
سرپل کې له تېرو جګړو څخه پاتې د راکېټ مرمۍ چاودنې له امله درېوو ماشومانو خپل ژوند له لاسه ورکړی او دوه نور ټپیان دي.
د یاد ولایت د امنیې قومنداني له لوري په خپره شوې خبرپاڼه کې ویل شوي چې د راکېټ دغه مرمۍ هغه مهال چاودنه کړې چې ماشومان پر لوبه بوخت وو.
د افغاني سرې مياشتې ټولنې عمومي رییس شهابالدين دلاور وايي چې نړیوالو غوښتل افغان ځوانان پر نشو اخته کړي.
هغه همداراز له مسوولانو غوښتنه کړې چې د کونډو او یتیمانو د حقونو سپارلو برخه کې دې بېغوري ونهوکړي. دلاور پر حکومتي چارواکو او مسوولانو غږ وکړ چې خپل مسوولیتونه په صداقت او اماندارۍ مخته یوسي. نوموړي دغه څرګندونې پکتیا کې «پنجشنبه، تلې ۱۲مه» د یوې غونډې پرمهال کړې دي.
د سوداګرۍ او پانګونې خونې مسوولان وايي، روان کال د صادراتو په پرتله د تازه مېوو کورنی مصرف ډېری شوی دی
د دوی په وینا، د تېرو کلونو په پرتله سږکال افغانستان کې باغلرونکو ښه حاصلات ترلاسه کړي، خو د پاکستان له لارې د صادراتو پر وړاندې خنډ لامل شوی چې د تازه مېوو د صادراتو کچه د پام وړ کمه شي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
