د فاریاب د شېرینتګاب ولسوالي یوشمېر اوسېدونکي شکایت کوي چې د دې ولسوالي په ۲۰ بستریز روغتون کې روغتیايي خدمتونه نشته او په وینا یې، یاد روغتون د درملو او نورو روغتیايي تجهیزاتو له کمښت سره مخامخ دی.
امانالله چې ماشوم یې د شېرینتګاب په ۲۰ بستریز روغتون کې بستر دی وايي، روغتیايي امکانات نشته او دی اړ شوی چې د اړتیا ور درمل له دباندې څخه راوړي.
سلاموطندار په ۱۰ ولایتونو کې له ۴۶ ښځو سره مرکې کړي چې ۲۹ هغو یې ویلي چې د امېندوارۍ پر مهال یې اشتها ډېروالی له کبله یې وزن ډېر شوی دی. شپږو نورو ویلي چې د امېندوارۍ پر مهال سپورټ ته د نه لاسرسي، پنځو د چاغېدو وړتیا لرل او شپږو نورو ویلي چې د خوی او خواصو له کبله یې وزن ډېر شوی دی.
په بلخ کې یوشمېر ډاکټران وايي، د دغه ولایت روغتیايي مرکزونو ته د هغو ښځو د ورتګ کچه لوړه شوې چې پر اروايي ستونزو اخته دي.
د بلخ په مرکزي روغتون کې د ارواپوهنې ډاکټر حفیظالله محبي وايي، د ښځو په منځ کې پر اروايي ناروغیو د اخته ښځو لوړ شمېر د اندېښنې وړ دی.
د کاپیسا مسوولان وايي چې پرون (د چنګاښ یوویشتمه، د پنجشنبې ورځ) یې د دغه ولایت د تګاب ولسوالي په میاخطل او شینکۍ سیمو کې د اوبو رسونې دوو پروژو چارې پیل کړې دي.
د کاپیسا د والي ویاند عبدالعزیز نظري وايي، د اوبو رسونې د دغو شبکو هره یوه یې د ۴۰ او ۵۰ متره مکعبه اوبو د زېرمه کولو وړتیا لري او په جوړېدو سره به یې د دې ولسوالي ۶۳۸ کورنیو ته د څښاک اوبه برابرې شي.
د افغانستان د عامې روغتیا وزارت چارواکو د دوشنبې په ورځ په ۲۳ ولایتونو کې د ګوزڼ ضد واکسین ورکولو د څلورورځني کمپاین د پیل خبر ورکړ.
د دغه وزارت ویاند شرف زمان امرخېل وايي، په پام کې ده چې په دغه پړاو کې به له پنځو کلونو کمعمره اته میلیونه ماشومانو ته د ګوزڼ ضد واکسین ورکړل شي.
په لغمان کې د کاوون غږ راډیو تر تړل کېدو وروسته د دغه ولایت د اطلاعاتو او فرهنګ ریاست مسوولان وایي چې د کاوون غږ راډیو د بیتالمال او د دولت ملکیت دی. د لغمان د اطلاعاتو او فرهنګ رییس مولوي عبدالنور رسولي وايي، دا راډیو په ۱۳۸۴ کال کې د امریکايانو د «پيارټي» له لوري د انټرنیوز په همکاري جوړه شوې چې په ۱۳۹۵ کال کې د اطلاعاتو او کلتور وزارت له لوري درېکلن جواز ورکړل شوی و..
د بدخشان د ولایتي روغتون رییس شفیقالله همدرد وايي، په دغه ولایت کې د نسايي-ولادي ۶۰ بستریز روغتون فعالیت درېدلی دی.
د نوموړي په وینا، د دغه روغتون فعالیت د روغتیا نړیوال سازمان د مرستو بندېدو له کبله درېدلی دی.
ارګ پر خپلې اېکسپاڼې لیکلی چې کورومیا دا موضوع د ریاستالوزرا له سیاسي مرستیال محمد عبدالکبیر سره سره په لیدنه کې کړي او په بېلابېلو برخو، په تېره د خصوصي سکټور برخه کې یې د جاپان د همکارۍ ډاډ ورکړی دی.
په خبرپاڼه کې لیکل شوي چې محمد عبدالکبیر هم د جاپان مرستې ستایلي او ویلي یې دي چې ا.ا له ټولو هېوادونو سره د تعامل پراخوالی او د اړیکو پیاوړتیا غواړي.
د جوزجان-فاریاب پر لویې لارې شوې ټرافیکي پېښې د څلورو ماشومانو په ګډون، د یوې کورنۍ د اتو غړیو ژوند اخیستی دی.
د جوزجان د امنیې قومانداني د ټرافیکو مدیر شېراحمد سعیدي وايي، یوه رونېکس ډوله موټر پرون (د چنګاښ اووهلسمه، د یکشنبې ورځ) د خواجهدوکوه ولسوالي په اړوند سیمه کې له یوه ټانکر سره ټکر کړی دی.
د اوزبکستان ولسمشر شوکت میرضیایف د شنبې په ورځ د اذربایجان په شوشای ښار کې د ترک سازمان د غړیو هېوادونو یا OTC په نارسمي غونډه کې اندېښنه ښودلې چې افغانستان اوس د نړیوالو له پامه غورځېدلی دی. میرضیایف د افغانستان مسله مهمه بللې او د ترک سازمان د غړیو هېوادونو له بهرنیو چارو وزیرانو یې غوښتي چې په خپلو ټولو نړیوالو بحثونو کې یې یاده او په پام کې ونیسي.
په روان ۲۰۲۴ کال کې د ماشومانو د ګوزڼ ضد واکسین پنځم پړاو د یکشنبې ورځ په هرات ولایت کې پرانېستل شو.
د هرات د عامې روغتیا ریاست د ماشومانو څانګې مسوول همایون فیضي وايي، په دغه پړاو کې چې سبا دوشنبه په رسمي ډول په دغه ولایت کې پیلېږي، تر پنځه کلنۍ کمعمره ۳۹۱ زره او ۸۰۸ ماشومانو ته د ګوزڼ ضد واکسین ورکول کېږي.
د کرنې، اوبو لګولو او مالدارۍ وزارت ویاند مصباحالدین مستعین سلاموطندار ته ویلي چې په یاد پلان کې د بېوزلۍ کچې راکمولو لپاره د کروندګرو د اقتصادي همکارۍ د پیاوړتیا په موخه د بدیل کښت د پروژو پلي کول، د کوکنارو د کښت کمول او له منځه وړل او د کوکنارو بديل کښت ته د بزګرانو هڅول شامل دي.
د افغانستان بانک وايي، هېواد کې د «افغانۍ» د ارزښت ساتلو او ثبات لپاره به سبا پنځلس میلیونه امریکايي ډالر د بولۍ له لارې لیلام کړي.
دغه بانک له نورو بانکونو او د پولي خدمتونو او صرافۍ شرکتونو څخه غوښتي چې په دې بولۍ کې ګډون وکړي.
د سرپرست حکومت د بهرنیو چارو وزارت د ایران د ولسمشر په توګه د مسعود پزشکیان د ټاکل کېدو له کبله د هغه هېواد حکومت او خلکو ته مبارکي ورکړې ده.
د دغه وزارت ویاند عبدالقهار بلخي پرون ناوخته پر اېکس لیکلي چې ا.ا هیلهمند دی چې په ایران کې د نوي ولسمشر په ټاکل کېدو سره به په بېلابېلو برخو کې د دواړو ګاونډیو هېوادونو ترمنځ اړیکې پیاوړې شي.
د ا.ا ویاند ذ.بېحالله م.جاهد وايي چې د ا.ا د مشر هبت.الله اخوند.زاده د حکم له مخې، په یوه وزارت او څو ادارو کې نوې ګومارنې شوې دي.
نوموړي پر اېکس لیکلي چې د افغانستان بانک پخوانی سرپرست هدایتالله بدري د کانونو او پټرولیم وزارت د سرپرست او د افغانې سرې میاشتې ټولنې مخکینی مرستیال نورالدین ترابي د پېښو پر ړاندې د مبارزې ملي ادارې د سرپرست په توګه ټاکل شوي دي.
د کندهار د کرنې، اوبو لګولو او مالدارۍ ریاست مسوولان وایي، وروستیو بېموسمه اورښتونو د کښتونو تر څنګ، بڼونو ته هم زیان اړولی او سږ کال به د انارو او انګورو حاصلات د پخوا په پرتله د پام وړ کم وي.
بېموسمه اورښتونو د کندهار په ژېړۍ، معروف او خاکرېز ولسوالیو کې د انګورو او انارو بڼونو ته زیانونه اړولي دي.
