د هرات ښار چې له اوږدې مودې راهیسې د دودیزو ټولنیزو جوړښتونو او د ښځو د کار او ټولنیز حضور په اړه د محافظهکارو او محدودو لیدلورو له امله پېژندل کېږي، د ښځو رول په بازار او سوداګرۍ کې، په ځانګړي ډول د پلور دنده، له یوې ساده اقتصادي چارې څخه اوښتې او د ټولنیزو بدلونونو یوه مهمه برخه ګرځېدلې ده.
۲۵کلنه تفسیر برکي د کابل اوسېدونکې ده چې د ستونزو پر وړاندې یې تسلیمېدو ته غاړه نهده ایښې. نوموړې څلور کاله وړاندې د «مودلین برنډ» په نوم د خیاطۍ او لاسي صنایعو کارگاه په انلاین بڼه جوړه کړه او ۱۰۰زره افغانۍ لګښت یې پرې وکړ او له تېر یوه کال راهیسې یې فعالیتونه حضوري بڼه هم غوره کړې ده.
د بلخ محلي مسوولان وايي چې په مزارشریف ښار کې د هګیو او چورګوړو د تولید یوې سترې کارخونې د جوړېدو د بنسټ ډبره کېښودل شوه.
د چارواکو په وینا، دا کارخونه د افغان او اوزبیک پانګهوالو په ګډه پانګونه جوړیږي چې ټول لګښت یې شاوخوا ۶۰ میلیونه امریکایي ډالرو ته رسېږي.
پر ایران د اسراییلو او امریکا د بریدونو په لړ کې تازه راپورونه وايي چې متحده ایالاتو د ایران په اصفهان ښار کې پر یو مهم پوځي مرکز «بَنکر بَسټر» یا د ژورو هدفونو ماتولو بمونه غورځولې دي.
د بدخشان د درواز اړوند د پنځهګونو ولسوالیو اوسېدونکي د مخابراتي خدمتونو له سخت کمښت سره مخ دي. د سیمې اوسېدونکي وايي چې د کورنیو مخابراتي شبکو د نشتوالي له امله اړ دي چې د اړیکو ټینګولو لپاره د ګاونډي تاجیکستان له مخابراتي شبکو څخه کار واخلي.
د افغانستان او اوزبیکستان ترمنځ د سوداګریز تواصل کنفرانس شپږمې ناستې پرمهال چې په کابل کې جوړ شوی و، د دواړو هېوادونو د خصوصي سکټور ترمنځ د ۵۱۴ مېلیون او ۸ سوه زره ډالرو په ارزښت هوکړهلیکونه لاسلیک شوې دي.
د خوست امنیه قومنداني مسوولان وايي، هغه څلور وسلوال غله یې نیولي چې د نظامي کسانو په نوم به د خلکو کورونو ته ورننوتل او غلاوې به یې کولې.
د یادې قومنداني ویاند طاهر احرار ویلي، دا کسان نن یکشنبه، وري نهمه، د جنایي جرمونو پر وړاندې د مبارزې د منسوبینو لهخوا نیول شوي دي.
ملګروملتونو اعلان کړی چې په نړۍ کې د هغو ماشومانو او تنکیو ځوانانو شمېر چې له ښوونځیو پاتې دي، زیات شوی او ۲۷۳ میلیونو ته رسېدلی دی.
ملګروملتونو نن یکشنبه، (د مارچ ۲۹مه) په خپل راپور کې ویلي چې د زدهکړو څخه د ماشومانو محرومیت د اووم پرلهپسې کال لپاره زیات شوی دی.
د پاکستان د بهرنیو چارو وزیر اسحاق دار تایید کړې چې ایران د پاکستان تر بیرغ لاندې ۲۰ نورو بېړیو ته اجازه ورکړې چې د هرمز له تنګي تېرې شي.
اسحاق دار دا پرېکړه «رغنده ګام» بللی او ویلي یې دي چې دا اقدام د سولې لپاره هیلې زیاتوي او د سیمې د ثبات په ټینګښت کې مرسته کوي.
د لبنان حزبالله ډله وايي چې د اسراییلو په شمال کې یې پر ګڼو سیمو راکټي او ډرون بریدونه کړي دي.
د راپورونو له مخې، نن یکشنبه، مارچ ۲۹مه، سهار مهال د اسراییلو په شمالي سیمو کې د لبنان حزبالله له لوري د توغندیو د احتمالي بریدونو له امله د خطر زنګونه (سیرینونه) هم غږول شوي دي.
د اسراییلو پوځ اعلان کړی چې د لبنان سوېل کې د جګړې پرمهال یې یو سرتېری وژل شوی دی.
پوځ ویلي چې وژل شوی سرتېری موسى یتسحاق هاکوهین کاتز نومېده او د لبنان په سوېل کې د جګړې پرمهال وژل شوی دی.
د صنعت او سوداګرۍ وزارت اعلان کړی چې د افغانستان او اوزبیکستان د خصوصي سکتورونو ترمنځ د ۵۱۴ میلیونه او ۸۰۰زره ډالرو په ارزښت څو هوکړهلیکونه لاسلیک شوي دي.
یاد وزارت نن (یکشنبه، د وري ۹مه) پر خپله اېکسپاڼه لیکلي چې دغه هوکړهلیکونه د دواړو هېوادونو د سوداګریزو ناستو پرمهال د خصوصي سکتورونو ترمنځ لاسلیک شوي دي.
د ایران پر وړاندې د جګړې له دویمې میاشتې سره هممهاله، د امریکا مرکزي قومنداني (سنتکام) اعلان کړی چې جګړهییزه بېړۍ «SS Tripoli» د شاوخوا ۳۵۰۰ سمندري سرتېرو په ملتیا سیمې ته رسېدلې ده.
د پروان او کاپیسا ولایتونو غرنۍ او لرې پرتې سیمې چې د مالدارۍ او طبیعي ښکلا له مهمو مرکزونو څخه ګڼل کېږي، لاهم د جګړو د پاتو چاودېدونکو توکو له امله د مرګ له خاموش او دوامداره ګواښ سره مخ دي.
ځايي اوسېدونکي وایي چې د غرونو هره لاره اوس د ژوند پر ځای د وېرې او خطر نښه ګرځېدلې ده.
د احصایې او معلوماتو ملي ادارې مسوولان وايي چې د تېر ۱۴۰۴ کال پرمهال نږدې ۱۰۳زره بهر مېشتو افغانانو ته د پېژندپاڼو خدمتونه وړاندې شوي دي.
یادې ادارې نن شنبه، وري ۸مه، پر خپله فېسبوکپاڼه لیکلي چې په تېر ۱۴۰۴ لمریز کال کې یې د هېواد بهرمېشتو افغانانو ته د کاغذي پېژندپاڼو اړوند لسګونه زره غیرحضوري خدمات وړاندې کړي دي.
د هرات محلي مسوولان وايي، له دې وروسته د ایران د ترانزیتي وسایطو موټرچلوونکي د اسلامقلعه سرحدي بندر ته د ننوتلو لپاره د ویزې او «وردپاس» اخیستو ته اړتیا نهلري.
