غزني کې محلي مسوولان وايي چې دغه ولایت کې د څه باندې څلور میلیونه افغانیو د اوبو رسولو شبکه جوړه او ګټېاخیستنې ته سپارل شوې.
د اوبو رسولو دغه شبکه د مرکز غزني ښار اړوند «د سلطان محمود غزنوي روضه» کلي کې جوړه شوې.
د سلاموطندار پښتو فېسبوکپاڼه وڅارئ
د داکار موسسې مرکزي زون مسوول صلاالدین صافی سلاموطندار ته وايي چې د یادې شبکې د جوړېدو لګښت ډاکار موسسې ورکړی او په وینا یې، څلور میلیونه افغانۍ لګښت پرې راغلی دی.
هغه زیاته کړه چې د اوبو رسولو دې شبکې څخه به ۹۰۰ کورنۍ ګټه واخلي. دغه شبکه په لمریزې برښنا هم سمبال ده.
د سیمې اوسېدونکي هم د اوبو رسونې شبکې له جوړېدو خوښ دي او وايي، له دې وړاندې یې، پاکو اوبو ته لاسرسی نهدرلود.
د یاد کلي قومي مشر محمدجاوید سلاموطندار ته وویل چې د پاکو اوبو نهلاسرسي له امله به ډېری خلک پر ناروغیو اختهکېدل.