د میدانوردګ پوهنې ریاست مسوولان وایي چې د ترکيې په مالي ملاتړ د دغه ولایت په جغتو ولسوالي کې د «غازي محمدجانخان» په نوم ښوونځي ته د ۱۲۰زره امریکایي ډالرو په مالي لګښت ودانۍ جوړه او ګټېاخېستنې ته وسپارل شوه.
د یاد ولایت پوهنې ریاست رییس مولوي محمدعثمان حریت جوړې شوې غوندې ته وویل، د غازي محمدجانخان ښوونځي ته د لومړي ځل لپاره معیاري ودانۍ جوړه شوې چې د زدهکوونکو او ښوونکو لپاره ټولې اسانتیاوې پهکې موجودې دي او د دغې ودانۍ له پرانېستې سره د سلګونه زدهکوونکو د سرپناه ستونزې هوارې شوې دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
حریت له ترکېې څخه مننه وکړه چې یاد ښوونځي ته یې معیاري ودانۍ جوړه کړه، خو په نورو نړیوالو بنسټونو او سوداګرو یې غږ وکړ چې د میدانوردګ هغه ښوونځيو ته ودانۍ جوړې کړې چې اوس یې زدهکوونکي له پراخو ستونزو سره سره په ازاده فضا کې په لیکلوست بوخت دي.
د جغتو ولسوالي اوسېدونکې هم خوښ دي چې د پوهنې وزارت په چوکاټ کې د ترکيې له لوري یوه ښوونځي ته معیاري ودانۍ جوړه شوه، خو دوی غوښتنه کوي چې د میدانوردګ جغتو ولسوالي سربېره د دغه ولایت بېلابېلو ولسوالیو کې هغه ښوونځيو ته هم معیاري ودانۍ جوړې کړې چې د تېرو جنګ جګړو له امله ویجاړې شوې دي.