فاریاب کې یوې سرچینې ویلي چې دغه ولایت کې یوه کس خپل ورور وژلی دی. پېښه پرون جمعه د وري ۲۵مه د یاد ولایت د پشتونکوټ ولسوالي «ګلیمباف» کلي کې رامنځته شوې ده.
د سرچینې په وینا، د سیدعبدالله په نوک کس چې څو ورځې وړاندې لادرکه شوی و، جسد یې د پشتونکوټ ولسوالي «چهارتوت» کلي کې د یوه پلچک لاندې پیدا شوی دی.
په ورته مهال سرچینې زیاته کړې چې تراوسه د دغې وژنې انګېزه اولامل نه دی معلوم، خو د وژل شوي کس ورور د نوموړي د وژنې مسوولیت پر غاړه اخیستی او د اسلامي امارت د ځواکونو له لوري نیول شوی دی.
د فاریاب محلي مسوولانو تراوسه په دې اړه څه نه دي ویلي.
سلاموطندار پر ټویټر هم وڅارئ
دغه پېښه داسې مهال رامنځته کېږي چې له دې وړاندې هم دغه ولایت او د هېواد په یوشمېر نورو سیمو کې هم ورته پېښې رامنځته شوي چې لامل یې تر ډېره کورنی تاوتریخوالی یاد شوی دی.