د شل اووره کرېکټ نړیوال جام په روانو سیالیو کې نن ماښام د هند کرېکټ ملي لوبډله د پاکستان کرېکټ ملي لوبډلې سره سیالي کوي.
ټاکل شوې چې یاده لوبه نن یکشنبه، فبرورۍ ۱۵مه، د سریلانکا کولمبو ښار کې پیل شي. هند او پاکستان دواړه په اې ګروپ کې ځای لري.
تر دې دمه دواړو لوبډلو په ګروپ پړاو سیالیو کې دوه ـ دوه لوبې کړي او دواړه یې ګټلې دي.
د معلوماتو له مخې، د هند لوبډلې خپلې دواړه لوبې ګټلې دي او تر اوسه یې کومه ماتې نهده خوړلې. همدارنګه، د پاکستان لوبډلې هم دوه لوبې کړي او دواړه یې په بریا پای ته رسولې دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
دواړه لوبډلې دامهال د خپل ګروپ له مخکښو ټیمونو څخه شمېرل کېږي او د نن ورځې سیالي به د ګروپ د لومړي مقام لپاره خورا مهمه وي.
د کرېکټ شنونکي وایي، که هره لوبډله په نننۍ لوبه کې بریا خپله کړي، د بل پړاو ته د تګ چانسونه به یې لا پیاوړي شي.
په اې ګروپ کې د هند او پاکستان تر څنګ نورې لوبډلې هم شاملې دي، خو د بریاوو له مخې هند او پاکستان تر ټولو ښه ځای لري.
د نن ورځې سیالي نه یوازې د نومرو له پلوه ارزښت لري، بلکې د دواړو هېوادونو د کرېکټ مینهوالو لپاره هم ځانګړې جذابیت لري.