د بلخ په مرکز مزارشریف ښار کې د ۱۷ میلیونه افغانیو په لګښت د یوه سړک د سفالت چارې پیل شوې دي.
د یادې پروژې چارې نن دوشنبه، وږي ۱۷مه پیل شوې چې ټول لګښت یې، د ښاروالي لهخوا ورکول کېږي.
د مزارشریف د ښاروالي ویاند مصطفی محمدي وايي، دغه پروژه د ښار په څلورمه ناحیه کې پرمخ وړل کېږي او پهکې به د ۸۰۰۰ مترو په اوږدوالي او ۱۰ مترو په پلنوالي سړک سفالت شي.
د ده په وینا، د سړک د سفالت ترڅنګ د ویالو جوړولو او د سړک کرښهکښنه هم شامله ده چې چارې به یې په پنځو میاشتو کې بشپړې او د استفادې وړ وګرځي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د سیمې اوسېدونکي هم د دې پروژې له پیل څخه خوښ دي او وایي چې د سړک له بشپړېدو سره به د تګراتګ ستونزې تر ډېره بریده کمې شي.
په ورته مهال د مزارشریف ښاروالي چارواکي وايي چې په روان کال کې د ښار په کچه ۳۰ بېلابېلې ودانیزې پروژې د ۵۷۱ میلیونه افغانیو په لګښت پلې کوي.