د چين دولتي رسنۍ راپور ورکړی چې د شنبې په شپه د شمالي چين په انرموګولیا کې د سېلاب له امله لږترلږه اته کسان مړه شوي او څلور نور لادرکه دي.
دغه پېښه د ختيځې اسيا د مونسن سختو بارانونو پرمهال رامنځته شوې چې د نړۍ دويم ستر اقتصاد لرونکي هېواد ته یې ګډوډي رامنځته کړې ده.
راپورونه وايي، د باياننور ښار په شاوخوا سیمو کې د سیند له غاړې اوبه واوښتې چې لږترلږه ۱۳ کسان یې، له ځان سره یوړل.
تراوسه يو کس ژغورل شوی دی. باياننور د چين د کرنیز تولید مهم مرکز ګڼل کېږي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
چارواکي د ژغورنې او لټون عملیاتو ته دوام ورکوي او خلکو ته خبرداری ورکړل شوی چې د سېلابونو له احتمالي خطرونو ځان وساتي.
چين له جولای میاشتې راهیسې د سختو او غیرمعمول هوايي پېښو له ستونزو سره مخ دی. د هېواد شمال او سوېل د مونسن د اوږدې ودې له امله د معمول نه زیات بارانونو سره مخ شوي چې ګڼو سیمو ته یې زیانونه اړولي دي.
باياننور د هېواد لپاره د غلو او تېلو د تولید یو مهم مرکز دی؛ همدارنګه د پسونو د روزنې او پروسس یوه ستره سیمه بلل کېږي.