د هلمند د کرنې، اوبولګولو او مالدارۍ ریاست مسوولان وایي چې د یاد ولایت په یوشمېر ولسوالیو کې ۱۳ کسان د کبانو ښکار پرمهال نیول شوي دي.
د یاد ریاست د معلوماتو له مخې، دغه کسان په مارجې، ګرشک او ګرمسېر ولسوالیو کې نیول شوي. په هلمند کې د طبیعي کبانو د نسل لهمنځه تلو مخنیوي په موخه د کبانو پر ښکار بندیز لګېدلی دی.
د هلمند د والي ویاند محمدقاسم ریاض وایي، نیول شویو کسانو د کرنې ریاست ل خبرتیاوو سره سره، بیاهم په بېلابېلو وسیلو له سیندونو او کانالونو کبان نیول.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
نوموړی زیاتوي چې دغه کسان د امنیتي ځواکونو په همکارۍ نیول شوي او ښکاري وسایل یې هم ترې ضبط کړل شوي دي.
نوموړي وویل: «هلمند اوس د کب روزنې سلګونه فارمونه لري او د کبانو د غوښو له پلوه په ځان بسیا دی. نو له دې وروسته به هېچا ته اجازه ورنکړل شي، چې د طبیعي کبانو ښکار په خپلسرې توګه ترسره کړي.»
د یادونې وړ ده چې د هلمند اړوند محلي مسوولانو له دې وړاندې هم هم د طبیعي کبانو د ښکار پر سر یوشمېر کسان نیولي دي.