د اسلامي امارت مشر شیخ هبت الله اخندزاده د ښاري پلانونو اړوند د اړینو مالوماتو خپرولو په موخه څلور مادییز فرمان صادر کړی.
د اسلامي امارت ویاند ذبیحالله مجاهد (سهشنبه، ثور ۲۳) پر اېکسپاڼه لیکلي چې دغه فرمان کې د ښاري ودانیزو، سوداګریزو او صنعتي ساحو د پراختیا، د خدماتو د ښهوالي، او روڼتیا په موخه، د کور او ښار جوړولو وزارت، د کابل ښاروالۍ او د ولایتونو اړوند ښاروالۍ مکلفې شوې چې د رسنیو، امامانو، ګذر وکیلانو او نورو مناسب لارو له لارې خلک له ښاري طرحو خبر کړي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
یاد فرمان کې اړوند ادارې مکلفې شوې چې هغو سیمو ته پلانونه ترتیب او خپاره کړي چې تر اوسه یې تفصیلي پلان نه دی جوړ شوی.
د چارو اداره او د فرمانونو تعقیبي او نظارتي ریاستونه به د دې فرمان د تطبیق پر څرنګوالي دوامداره څارنه کوي.
یاد فرمان د توشیح له نېټې نافذ ګڼل شوی او په رسمي جریده کې به خپور شي.