الجزیرې خبري شبکې نن (سهشنه، وري ۱۹) راپور ورکړی چې اسراییلي ځواکونو په غزې بمبارۍ ته دوام ورکړی چې د دوشنبې ورځې له سهار راهیسې یې لږترلږه ۶۰ کسان وژلي او یوشمېر نور ټپیان کړي.
د راپورونو پر اساس، د تېرې مارچ میاشتې په ۱۸مه نېټه د اوربند له پایته رسیدو راهیسې اسراییلي ځواکونو له ۴۰۰زره ډیر نور فلسطینیان بېځایه کړي دي.
دې سره، د ملګرو ملتونو د شپږو ادارو مشرانو په بېړني ډول غزه کې د اوربند نوي کولو غوښتنه کړې او ویلي، اسراییل د اوربند له ماتولو راهیسې یوازې په لومړۍ اونۍ کې له زرو ډیر ماشومان وژلي او ټپیان کړي دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
ورته وخت کې د غزې د روغتیا وزارت ویلي چې د اسراییل جګړه کې لږترلږه ۵۰،۶۹۵ فلسطینیان وژل شوي او ۱۱۵،۳۳۸ ټپیان دي.
د ۲۰۲۳ کال د اکتوبر په ۷مه د حماس په مشرۍ بریدونو کې بیا شاوخوا ۱۱۳۹ اسراییلیان وژل شوي او له ۲۰۰ ډیر بندیان حماس سره بندیان شول.
