د نیوزیلنډ کرېکټ ملي لوبډلې په خپل کوربهتوب د درېوو یو ورځنیو سیالیو په دویمه لوبه کې د پاکستان کرېکټ ملي لوبډلې ته ماته ورکړه.
نیوزیلنډ په یاده لوبه کې پاکستان ته د ۸۴ منډو په توپیر ماته ورکړه او ورسره یې، د درېوو یو ورځنیو سیالیو لوبلړۍ هم وګټله.
نیوزیلنډ دې لوبلړۍ کې ۲-۰ مخکې دی.
پاکستان له دې وړاندې د پنځو شل اووره سیالیو لوبلړۍ هم ۴-۱ نیوزیلنډ ته بایللې وه.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
کوربه لوبډلې په یاده لوبه کې پاکستان ته د ۲۹۳ منډو هدف ورکړی و چې پاکستان د ټولو لوبغاړو په سوځېدو سره یوازې ۲۰۸ منډې وکړې.
د پاکستان لپاره په توپوهنه کې تر ټولو ډېرې منډې فهیم اشرف ۷۳ او نسیم شاه ۵۱ منډې وکړې.
د دواړو لوبډلو ترمنځ راتلونکې او وروستۍ لوبه به د روانې اپرېل میاشتې په ۵مه ترسره شي.