د کندوز محلي مسوولان وايي چې دغه ولایت کې د کډوالو په چارو کې د ملګروملتونو عالي کمېشنري لهخوا په ۴۵۰زره ډالرو یو روغتیايي مرکز جوړېږي.
دغه روغتیايي مرکز د کندوز د چهاردرې ولسوالي په نواباد کلي جوړېږي.
افغانستان کې د یواېاېچسيار سیمهییز دفتر مسوول عرفات جمال وايي چې د یاد روغتیايي مرکز په جوړېدو سره به د سیمو شاوخوا اووه زره خلکو ته روغتیايي خدمتونه وړاندې شي.
په ورته مهال د یاد روغتیايي مرکز د بنسټ ډبرې کېښودو پرمهال د محلي چارواکو سربېره، د ملګروملتونو د سرمنشي ځانګړي استازي اندریکا راتواتي هم شتون درلود.
بلخوا د کډوالو په چارو کې د ملګروملتونو د عالي کمېشنري «یواېناېچسيار» په مالي لګښت د کندوز ښار کې په ۱۶.۵ میلیونه افغانۍ یوه منځني ښوونځي ته هم ودانۍ جوړه شوه.
د ښوونځي دغه ودانۍ د کندوز ښار په شهرکسر دوره سیمه کې جوړه شوې. جوړه شوې ودانۍ لس درسي ټولګي لري چې شاوخوا ۱۲۰۰ نجونې او هلکان به پهکې زدهکړې وکړې.
له دې وړاندې د یاد ښوونځي زدهکوونکو تر شنه اسمان لاندې زدهکړې کولې.