د کابل-غزني دویم لین سړک د جوړېدو چارې د سرپرست حکومت د یوشمېر لوړو پوړو چارواکو لهخوا پرانېستل شوې.
د یاد سړک د جوړېدو چارې سهشنبه، وږي ۲۰مه پیل شوې چې له کابله د میدانوردګ سیداباد ولسوالي دښتېټوپ سیمې پورې په پاخه او اساسي ډول ورغول شي.
د سلاموطندار پښتو فېسبوکپاڼه وڅارئ
د یاد سړک پرانېستغونډې کې د ریاستالوزرا اقتصادي مرستیال ملاعبدالغني برادر په ګډون د سرپرست حکومت یوشمېر لوړوپوړو چارواکو هم ګډون کړی وو.
د ریاستالوزرا اقتصادي مرستیال ملاعبدالغني برادر په دې تړاو جوړو شویو مراسمو ته وویل چې د غزني- کابل ترمنځ د دویم لين سړک جوړول د مرکز او سوېل ترمنځ د نښلېدو بنسټيز پل دی او په وینا یې، په رغېدو سره به یې سوداګریز فعالیتونه اسانه، د توکو لېږد وخت او لګښتونه کم او د دې لارې مسافرو ته اسانتیاوې رامنځته شي.
برادر زیاته کړه، د کابل ـ کندهار لویه لاره به د مرکز او سوېل پر نښلولو سربېره له ایران، پاکستان او نورو هېوادونو سره سوداګریز مسیر لاغښتلی کړي.
د ټولګټو وزارت سرپرست ملا محمدعسي ثاني وویل، دغه سړک د جوړېدو بودجه د حقالبور له لارې ورکول کېږي. هغه همدارنګه زیاته کړه یاد سړک ۱۱۱ کېلومټره اوږدوالی لري چې په اوږدو کې به یې ۹ لوي پلونه او نږدې ۶ سوه پلچکونه هم جوړ شي.
د میدانوردګ محلي چارواکو او د یاد سړک د جوړیدو شرکت مسؤلینو وویل چې د کابل-غزني دوېم لین سړک به په نړیوالو معیارونو برابر جوړ شي.