د لوګر په خروار ولسوالي کې د شویو اورښتونو له امله راوتلیو سېلابونو، کروندګرو ته درانه مالي زیانونه اړولې دي.
د خروار ولسوالي د کرنیزو خدماتو مدیر امدادالله سلاموطندار ته وویل، وروستیو سېلابونو شاوخوا ۱۳۰ جریبه کرنیزه ځمکه چې پرې د غنمو، لوبیا، کچالو او ځینې نور حبوبات کرل شوې وو، لهمنځه تللي دي.
د سلاموطندار پښتو فېسبوکپاڼه وڅارئ
دغهراز نوموړي زیاته کړه، د دې زیانونو تر څنګ ورستیو سیلابونو ۱۱ جریبه مېوهلرونکي او غیر مېوهلرونکي باغونه هم لهمنځه وړي دي.
نوموړي په کورنیو او نړیوالو بنسټونو غږ وکړ چې په خروار ولسوالي کې له سېلابځپلیو بزګرانو سره بېړنۍ مرستې وکړي.
باید وویل شي چې تېره میاشت هم د لوګر په خروار ولسوالي کې د وروستیو اورښتونو او سېلابونو له امله څه باندې ۳ سوه جریبه کرنیز فصلونه لهمنځه تللي وو.