د ننګرهار ولایت مقام پر خپله اېکسپاڼه لیکلي چې د دغه ولایت مومند درې ولسوالي کې سیند کې د کښتۍ ډوبېدو له امله د ښځو او ماشومانو په ګډون ۲۰ کسان مړه شوې دي.
ولایت مقام همداراز لیکلي، پېښه نن شنبه، غبرګولې دولسمه سهار شاوخوا اووه نيمې بجې په سيند کې د يوې جنراتوري کښتۍ د ډوبېدو له امله رامنځته شوې.
د سلاموطندار پښتو فېسبوکپاڼه وڅارئ
په دې پېښه کې د ښځو او ماشومانو په ګډون ۲۰کسان مړه شوي شوي او پنځه نور ژغورل شوي دي.
د ننګرهار ولایت مقام د معلوماتو له مخې، تر دې مهال د نهو کسانو جسدونه له اوبو راويستل شوي او د نورو د پيداکولو هڅې روانې دي.
په ورته مهال سیمې ته د عامې روغتیا ریاست روغتیايي ډله رسېدلې، څو پاتې جسدونه پیدا او انتقال یې کړي.