د اطلاعاتو او فرهنګ وزارت د ګرځندوی ریاست مسوولان وایي چې تېر ۱۴۰۱ کال کې افغانستان ته ۶زره بهرني سيلانيان راغلي و چې د هېواد له بېلابېلو سيمو او تاریخي ځایونو څخه یې لیدنه کړې ده.
د اطلاعاتو او فرهنګ وزارت د ګرځندوی رییس سيدمحمد سعید د پکتیا اریوبځاځي ولسوالي سپینې شګې تفریحي پارک څخه د ليدنې پر مهال سلاموطندار ته ویلي چې دغه سیلانیان د بېلابېلو هېوادونو اړوند وګړي وو چې تېر کال افغانستان ته په چکر راغلي وو.
د سلاموطندار پښتو فېسبوکپاڼه وڅارئ
د نوموړي په وینا، سږ کال د بهرنیو سیلانیانو د ورماتولو لپاره یې هڅې پیل کړي او تمه لري چې روان کال به لسزره بهرني سيلانيان هېواد ته راشي.
د اطلاعاتو او فرهنګ وزارت د ګرځندوی رییس ګرځندوی زیاته کړه چې د هېواد په کچه به څلورو سیمو «اریوبځاځي، بند امیر، نورستان او پلصیاد سیمو کې د کورنیو او بهرنیو سیلانیانو لپاره اسانتیاوې برابروي او دې تفریحي ځایونو کې به هوټلونه هم جوړ کړي.
د نوموړي په وینا، د یادو اسانتیاوو برابرولو لپاره د مالیې وزارت له لوري دوی ته بودیجه هم ورکړل شوې او په دې اړه یې د یادو سیمو ارزونې هم پیل کړي دي.
دا په داسې مهال دی چې د روان کال لوی اختر ورځو او شپو پر مهال د پکتیا اریوبځاځي ته څه باندې ۷۰زره کسان د چکر لپاره تللي وو.