د هند د کرېکټ غوره لیګ یا ايپياېل سیالیو په لړ کې نن شپه رویل چلنجر بنګلور لوبډله له لکناو سوپر جاینټز سره لوبه کوي.
ټاکل شوې چې دغه لوبه نن شپه ۶:۳۰ بجې پیل شي. لوبه به د بنګلور لوبډلې په کورني لوبغالي کې وشي.
بنګلور لوبډلې د فاف ډوپلیسي په لوبډلمشر کې روان ایپياېل لیګ کې دوه لوبې کړي چې یوه یې بایللې او یوه یې ګټلې ده. بنګلور د روان لیګ د جدول په اووم ځای کې شتون لري.
سلاموطندار پر ټویټر هم وڅارئ
بلخوا لکناو لوبډلې بیا تراوسه روان لیګ کې درې لوبې کړي چې دوه یې ګټلي او یوې کې له ماتې سره مخ شوې ده. لکناو سوپر جاینټز دا مهال د جدول درېیم ځای کې ده.
د یاد لیګ په بېګانۍ لوبو کې کلکتې نایټرایډرز له یوې په زړه پورې سیالۍ وروسته کوجرات ټایټنز او سنرایزر حیدراباد بیا پنجاب کنګز له مخې پورته کړ.