د افغانستان بانک سبا یکشنبه د مرغومې اتلسمه «۱۵» میلیونه امریکايي ډالر د لیلام په توګه بازار ته وړاندې کوي.
د افغانستان بانک نن شنبه د مرغومې اوولسمه پر خپله ټوېټرپاڼه لیکلي چې د افغانیو ثبات او ارزښت ساتنې په موخه سبا د داوطلبۍ له لارې ۱۵ میلیونه امریکايي ډالر لیلاموي.
یاد بانک د روانې مرغومې میاشتې په دیارلسمه نېټه هم بازار ته ۱۵ میلیونه امریکايي ډالر وړاندې کړي وو.
د افغانستان بانک د روانې مرغومې میاشتې په اوومه نېټه د چهارشنبې پر ورځ هم ۱۶ میلیونه امریکايي ډالر د داوطلبۍ له لارې لیلام کړي وو.
دغه بانک همداراز له ټولو خصوصي بانکونو او پر شرایطو برابر د پولي خدمتونو له شرکتونو او صرافیو غوښتنه کړې چې دې داوطلبۍ کې ګډون وکړي.
سلاموطندار پر ټویټر هم وڅارئ
د افغانستان بانک د هرې میاشتې په اوږدو کې د افغانیو ثبات او ارزښت ساتلو په موخه میلیونونه ډالر د لیلام په توګه بازار ته وړاندې کوي.