د ننګرهار د کار او ټولنیزو چارو ریاست مسوولان وايي چې دغه ولایت کې د خیاطۍ له حرفې څخه ۳۳ کسان فارغ او د خیاطۍ اړوند کاري وسایل پرې وېشل شوي دي.
د ننګرهار کار او ټولنيزو چارو رییس فریدالله حقاني سلاموطندار ته ویلي چې د دې ریاست په چوکاټ کې د افغانستان يتيم پالنې موسسې په مالي ملاتړ د جلالاباد ښار اوومه ناحيه کې ۳۳ کسان د خياطۍ له حرفې فارغ او د جامو ګنډلو ماشينونه او نور اړين وسايل ورکړل شوي دي.
د سلاموطندار پښتو فېسبوکپاڼه وڅارئ
حقاني له نورو موسسو او خيريه بنسټونو وغوښتل چې د فني او حرفوي زدهکړو په برخه کې خپل فعاليتونه پراخ کړي، څو دې برخه کې مسلکي او فني کارګر زیات شي.
په ورته مهال د افغانستان د يتيم پالنې موسسې رییس صادق ساپي د کار او ټولنیزو چارو رییس ته ډاډ ورکړ چې دوی به د فني او حرفوي زدهکړو په برخه کې خپل خدمات پراخه کړي او خپل فعالیتونه به د جلالاباد په ګډون لرې پرتو ولسوالیو ته هم وغځوي.