د کاپیسا امنیتي مسوولان وايي، دغه ولایت کې د دوو کورنیو ترمنځ د شخړې له امله ۳ کسان وژل شوي او یو ټپي دی.
د دغه ولایت د امنیې قومنداني ویاند عبدالفتاح فائز نن (پنجشنه، سرطان ۱۲) سلاموطندار ته وویل، پېښه تېره ورځ د کاپيسا د مرکز «جنګل نواباد» سیمه کې شوې.
وژل شویو کسانو کې یوه ښځه او دوه نارینه شامل دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د هغه په وینا، دغه درې کسان د کلاشینکوف په ډزو وژل شوي او قاتل له سیمې تښتېدلی، خو امنیتي ځواکونو د پېښې په تړاو د قاتل پلار نیولی او د هغه د نیولو هڅې هم روانې دي.
ناموسي او لفظي شخړه د دغې پېښې لامل بلل کیږي.
د یادونې ده چې تر دې وړاندې هم یو شمېر ولایتونو کې ورته پېښې شوي چې ګڼ شمېر کسانو ته په کې مرګژوبله اوښتې ده.