د میز تر شا ناسته ده او په څېره یې د کمپیوټر د سکرین رڼا ښکاري؛ د خونې چوپتیا پر کیبورد د هغې د ګوتو کېکاږلو په غږ سره ماتیږي؛ هغه په یوه ګرافیکي ډیزاین کار کوي.
په داسې وخت کې چې ډیرې نجونې ونه توانېدې له محدودیتونو سره مبارزه وکړي، هغې وکولی شول چې له ښوونځي تر فراغت وروسته، د خپل پرمختګ لپاره لاره هواره کړي.
غور کې د چرګانو د ساري ناروغیو د پېښو په زیاتېدو سره، دولتي ادارو، د چرګانو روزونکو او وترنر متخصصانو ګډ اقدامات پیل کړي، څو
کونړ کې د زلزلې له امله په مرکز اسعداباد او ۷ ولسوالیو کې لسګونه ښوونځي وېجاړ شوي چې څه باندې ۱۵۷ زره زدهکوونکي یې له زده کړو محروم کړي او د ۳ ښوونکو په ګډون کابو ۴۰۰ زدهکوونکي مړه شوي او سلګونه نور ټپیان دي.
د کونړ او اوسېدونکي وايي، که دې برخه کې بېړني ګامونه پورته نهشي د اولادونو راتلوونکی به یې له تیارو سره مخ شي.
د لوګر مسوولان وايي، د دغه ولایت په مرکز پلعلم او یو شمېر ولسوالیو کې د قیمتي ډبرو ۳۵ نوي کانونه کشف شوي. د دغه
د شماليکوریا مشر کېمجونګاون د لویو وچو ترمنځ د واټن ویشتونکي بالیستیک توغندیو لپاره د نوي انجن د ځمکنۍ ازموینې څخه څارنه کړې ده. هغه دغه ازموینه د خپل هېواد د ستراتیژیکو اتومي ځواکونو د پراختیا او پیاوړتیا په برخه کې یو «ستر بدلون» بللی دی.
د غور د امنیتي چارواکي وايي چې د یاد ولایت په بېلابېلو سیمو کې د عملیاتو پرمهال ۱۶ کسان د نشهيي توکو د تولید او قاچاق په تور نیول شوي دي.
د غور د امنیه قومنداني ویاند مولوي عبدالرحمن بدري وویل: «د پسابند ولسوالي د امنیتي ځواکونو لهخوا ۱۵کسان د ۱۸۰۰ کیلوګرامو یامه سره چې د موټرسایکلونو په مرسته لېږول کېدل، په سنگان سیمه کې نیول شوي او یاد مواد سوځول شوي دي.»
د «العربیه» خبري شبکې د راپور له مخې، اسراییلي پوځ د غزې په ښار کې د السلام برج بمبار کړی دی.
دغه برید د هغه وروسته شوی چې د اسراییلو لومړي وزیر بنیامین نتنیاهو دوشنبه (د وږي ۱۷مه) اعلان وکړ چې د تېرو دوو ورځو پرمهال د غزې په سیمه کې ۵۰ هستوګنیزې لوړې ودانۍ ویجاړ شوي او دا یوازې د پراخ پوځي عملیاتو پیل بلل شوی دی.
د هلمند په مرکز لښکرګاه کې د کرنې او مالدارۍ ریاست اړوند کارکوونکو دوه کسان د طبیعي کبانو د ښکار په تور نیولي دي. چارواکي وايي چې له قانون سرغړونکي به عدلي ارګانونو ته وروپېژندل شي.
د فلسطین د خپلواکې ادارې مشر محمود عباس اعلان کړی چې دغه اداره به د عربي هېوادونو او نړیوالې ټولنې په مالي او سیاسي ملاتړ، د غزې پوره واک پر غاړه واخلي.
هغه ټینګار وکړ چې حماس به د جګړې له پای ته رسېدو وروسته په حکومت کې هېڅ ډول ونډه ونهلري او بیا یې څرګنده کړه چې د غزې سیمه د فلسطین نه بېلېدونکې برخه ده.
د کابل ښاروالي مسوولان وايي، د ښار په دویمه ناحیه پُلخشتي سیمه کې د ځمکې لاندې لوی سوداګریز مارکېټ پرانېستل شو. دغه سوداګريز مارکېټ د
د افغانستان کرکټ ملي لوبډله د ۲۰۲۵ کال د اسیا شلاوریز جام سیالیو لومړۍ لوبه کې نن شپه هانګکانګ سره مخ کیږي. دغه لوبه نن
د لوګر د اوبو او انرژۍ ریاست مسوولان وایي چې د ملګروملتونو د کرنې او خوړو نړیوال سازمان (FAO) له لوري د دغه ولایت په
لغمان کې مېرمنو ته د رسمي زدهکړو چاپېریال تر ډېره محدود دی، خو راډیو او ټلوېزیون بیا دغه ولایت کې د خلکو عامه پوهاوي برخه کې د پام وړ وسیلې بلل کېږي. دغه رسنۍ نه یوازې مېرمنو ته دا امکان ورکوي چې دیني، روغتیايي، روزنیزې او حقوقي معلومات تر لاسه کړي، بلکې کورنۍ او ټولنه کې د دوی د ونډې پر لیدلوري هم اغېز لرلی شي.
د پنجشېر محلي چارواکي وايي، د دغه ولایت د ابشار ولسوالي د یوه جومات چارې بشپړې او بل جومات له ترمیم وروسته ګټېاخیستنې ته سپارل شوی دی.
د ابشار ولسوال، محمدعلي حقشناس، (د وږي ۱۷مه) سلام وطندار ته وویل چې د دې ولسوالي نوی مسجدالنور په رسمي توګه پرانیستل شوی او همدارنګه د قلعهبالا د کربهګلابخېل سیمه کې یو بل جومات چارې ترمیم شوي دي.
د سمنګان د کلیوبیارغونې او پراختیا ریاست مسوولان وایي چې د ۲۸میلیونه افغانیو په لګښت د اوبورسولو د څلورو شبکو د جوړولو چارې پیل شوې.
یاد ریاست په یوې خبرپاڼه کې ویلي چې د دغو څلورو شبکو چارې د نړیوال بانک په مالي ملاتړ پرون دوشنبه، (د وږي ۱۷مه) د درهصوف بالا ولسوالي کې پيل شوي دي.
د بدخشان مسوولان وايي، درایم ولسوالي کې د ټرافیکي پېښې پرمهال د یوې مېرمنې او دریو ماشومانو په ګډون ۱۱ کسانو ژوند بایللی.
د بدخشان د امنیې قومنداني ویاند احسانالله کامګار وویل، پېښه تېره وځ (دوشنبه، سنبله ۱۷) د درایم ولسوالي «زرک» سیمه کې هغه مهال وشوه، کله چې سراچه موټر له سړک څخه واوښت او چپه شو.
